1 / 28

Balancing Life Zangv-Doix Dangc Nyei Maengc 1 Bide 1:13-16

Balancing Life Zangv-Doix Dangc Nyei Maengc 1 Bide 1:13-16.

caine
Télécharger la présentation

Balancing Life Zangv-Doix Dangc Nyei Maengc 1 Bide 1:13-16

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Balancing Life Zangv-Doix Dangc Nyei Maengc 1 Bide 1:13-16

  2. 13 Weic naaiv oix zuqc liuc leiz ziangx hnyouv,gunv jienv ganh, yaac longc nzengc hnyouv hnamv Yesu Giduc aengx daaih wuov zanc ninh oix ceix bun meih mbuo nyei en. 14 Meih mbuo zoux muangx Tin-Hungh nyei waac nyei naamh nyouz.Maiv dungx ei jienv meih mbuo nyei hnyouv hanc zoux, hnangv zinh ndaangc meih mbuo maiv gaengh hiuv nyei ziangh hoc zoux nyei nor.

  3. 15 Heuc meih mbuo daaih wuov dauh se cing-nzengc nyei. Yiem meih mbuo zoux nyei nyungc-nyungc sic meih mbuo yaac oix zuqc hnangv ninh nor, cing-nzengc. 16 Weic zuqc Ging-Sou gorngv, "Meih mbuo oix zuqc cing-nzengcweic zuqc yie se cing-nzengc nyei."

  4. Biux Mengh Waac Yiem naaiv zaang Ging-Sou biux mengh mbuox mbuo, se gorngv mbuo oix maaih doix-dangc nyei maengc, mbuo oix zuqc maaih gunv goux nyei jauv. Yiem naaiv deix biei yiemc Ging-Sou njaaux mbuo taux biei nyungc jauv: (1) Oix zuqc liuc leiz ziangx; (2) oix zuqc gunv jienv ganh; (3) Maiv dungx ei jienv mbuo nyei hnyouv hanc zoux nyei jauv; (4) yiem mbuo zoux nyei nyungc-nyungcjauv oix zuqc cing-nzengc.

  5. I. Oix Zuqc Liuc Leiz Ziangx Hnyouv, ys.13a Lomaa 12:1-2 “Gorx-youz aac, Tin-Hungh ndongc naaic korv- lienh mbuo, yie ziouc tov! meih mbuo zorqv ganh fungx bun Tin-Hungh hnangv ziec nyei ga'naaiv nor, mv baac maaih maengc nyei, cing-nzengc nyei, dongh ninh a'hneiv nyei ga'naaiv. Hnangv naaiv zoux se horpc nyei, weic zien-zien nyei zaangc Tin-Hungh.2 Baamh mienh zoux sic maiv horpc Tin-Hungh, maiv dungx zuotc ninh mbuo nyei nyungc zoux. Mv baac oix zuqc bun Tin-Hungh goiv nzengc meih mbuo nyei hnyouv caux hnamv nyei jauv, duqv siang-nyungc zeiv. Hnangv naaic meih mbuo haih hiuv duqv Tin-Hungh nyei za'eix, haaix nyungc se longx nyei, Tin-Hungh a'hneiv nyei, dunh yunh nyei za'eix.”

  6. II. Gunv Jienv Ganh, ys.13b 1. Cong-Mengh Waac 4:27: “Maiv dungx pien mingh zaaix fai mbiaauc, oix zuqc bun meih nyei zaux leih nqoi orqv nyei jauv.” Doix-Dangc nyei jauv se maiv mingh pien Tin-Hungh nyei waac, Tin-Hungh gorngv mbuox mbuo zoux nyei jauv mbuo ei jienv yietc mou yietc setv dongh Tin-Hungh gorngv nyei jauv zoux, maiv camv yaac maiv zoqc.

  7. 2. Yopv 23:11-12 “Yie nyei zaux yangh nitv jienv ninh nyei zaux-mbiec mingh. Yie gan jienv ninh nyei jauv, yaac maiv mingh pien. 12 Yie maiv simv ninh nyei nzuih hatc nyei waac. Yie funx yiem ninh nyei nzuih cuotv nyei waac gauh jaaix jiex yie qiemx longc nyei nyanc hopv.”

  8. 3. Cuotv I^yipv 23:2: "Maiv dungx gan mienh camv zoux waaic sic. Gorngv sic nyei ziangh hoc maiv dungx gan mienh camv zoux jaav zorng-zengx bun baengh fim nyei leiz pien.”

  9. 4. Ye^le^mi 3:21: “Yiem hlang, njang nyei dorngx haiz mienh nyei qiex, benx I^saa^laa^en nyei naamh nyouz nyiemv aengx heuc jienv tov nyei qiex, weic zuqc ninh mbuo yangh pien leih zien jauv, la'kuqv ZIOUV, ninh mbuo nyei Tin-Hungh.” I^saa^laa^en Mienh yangh pien Tin-Hungh nyei leiz, ninh mbuo zuqc dingc zuiz, cingx daaih oix zuqc siouc kouv, ninh mbuo nyei naamh nyuoz zuqc win-wangv zoux doqc hoic, diev maiv duqv cingx daaih nyiemv heuc lorz Tin-Hungh. Zuiz nyei jauv maiv hungh hec zoux. Zuiz nyei gong-zinh maiv hungh hec zipv.

  10. 5. I Bide 4:7 “Maanc muotc nyei setv mueiz hnoi taux fatv aqv. Meih mbuo oix zuqc gunv jienv ganh, ging jienv hnyouv daux gaux.” 6. I Bide 3:10 “Hnangv Ging-Sou gorngv nor, "Haaix dauh oix yiem seix zaangc duqv orn-lorqc, yaac oix duqv longx nyei hnoi, wuov dauhoix zuqc gunv jienv mbietc, maiv dungx gorngv waac-doqc. Yaac oix zuqc gunv jienv nzuih, maiv dungx gorngv-baeqc nduov mienh.”

  11. 7. Se^faa^yaa 3:4: “Zingh nyei douc waac mienh bungx waac-maux, maiv ziepc zuoqv nyei zoux. Zingh nyei sai mienh bun cing-nzengc nyei ga'naaiv maaih uix, ninh mbuo zoux pien Tin-Hungh nyei leiz-latc.

  12. 8. Haa^mbaa^gukc 1:4: “Weic naaiv leiz-latc mau haic. Baengh fim nyei leiz yietc liuz maiv hingh. Weic zuqc orqv mienh weih gormx kuv mienh, baengh fim nyei leiz ziouc pien mi'aqv.”

  13. III. Maiv dungx ei jienv meih mbuo nyei hnyouv hanc zoux, ys.14 “Maiv dungx nduov ganh. Maiv maaih haaix dauh haih nduov duqv Tin-Hungh. Mienh zuangx haaix nyungc ziouc siou duqv wuov nyungc. 8 Se gorngv mienh sueih ganh nyei hnyouv hanc zoux se hnangv zuangx nyim njiec ndau nor, siou daaih nyei se bun ninh zuqc daic. Mv baac mienh ei Singx Lingh zuangx, Singx Lingh ziouc bun ninh siou daaih nyei se yietc liuz nyei maengc. 9 Zoux kuv sic, maiv dungx hnyouv namx. Se gorngv mbuo maiv tuix nor, taux ziangh hoc mbuo ziouc maaih siou-sengh. 10 Hnangv naaic, haaix zanc maaih qangx, mbuo oix zuqc zoux kuv sic tengx zuangx mienh. Lengc jeiv nyei oix zuqc tengx weic sienx Yesu benx yietc biauv mienh wuov deix.” (Gaa^laa^tie 6:7-10)

  14. “Zinh ndaangc laaix meih mbuo maiv muangx Tin-Hungh nyei waac yaac baamz zuiz, meih mbuo se dorngx daic mi'aqv. 2 Wuov zanc meih mbuo kungx gan baamh gen orqv haic nyei za'eix hnangv. Meih mbuo muangx gunv ndaamv-lungh wuov dauh, dongh ih zanc yiem maiv muangx Tin-Hungh nyei waac wuov deix mienh nyei hnyouv zoux gong wuov dauh mienv. 3 Zinh ndaangc mbuo yietc zungv yiem wuov deix mienh mbu'ndongx kungx ei mbuo nyei hnyouv hanc zoux, sueih ganh nyei sin, ganh nyei hnyouv oix zoux nyei ziouc zoux aqv. Weic naaiv, ziux mbuo nyei fiem-fingx mbuo m'daaih hnangv wuov deix nor, zuqc Tin-Hungh nouz mbuo.” (E^fe^so 2:1-3)

  15. E^fe^so 4:17-24 “Weic naaiv yie dengv Ziouv Yesu nyei mbuox kuinx meih mbuo, yangh naaiv jiex maiv dungx yiem hnangv maiv sienx nyei mienh yiem wuov nor. Ninh mbuo hnamv nyei sic maiv lamh longc. 18 Ninh mbuo nyei hnyouv hmuangx, maiv mengh baeqc Tin-Hungh ceix bun nyei maengc yaac maiv maaih ninh mbuo nyei buonc weic zuqc ninh mbuo nyei hnyouv ngaengc haic ziouc hngongx mi'aqv. 19 Ninh mbuo hmien-beih hoz, maiv hiuv duqv nyaiv, sueih binc ei ganh nyei hnyouv hanc zoux nyungc-nyungc maiv cing-nzengc nyei sic.”

  16. 20 Mv baac meih mbuo zuotc Giduc nyei nyungc se maiv zeiz hnangv naaic. 21 Meih mbuo ndongc haaix zungv haiz gorngv jiex ninh nyei jauv-louc yaac gan ninh ziouc hoqc jiex ninh njaaux nyei zien leiz. 22 Oix zuqc guangc nqoi ganh nyei loz-maengc, dongh bun meih mbuo yiem hnangv zinh ndaangc meih mbuo yiem wuov nyungc loz-maengc. Meih mbuo nyei loz-maengc zuqc nduov ei ganh nyei hnyouv hanc zoux, manc-manc ziouc waaic nzengc mi'aqv.

  17. 23 Oix zuqc bun Tin-Hungh goiv meih mbuo nyei hnyouv, yienc meih mbuo nyei eix, benx siang nyei daaih. 24 Yaac oix zuqc duqv siang-maengc. Naaiv nyungc maengc Tin-Hungh zeix daaih zuangv ninh ganh, meih mbuo ziouc zien-zien nyei zoux duqv horpc yaac cing-nzengc nyei.

  18. IV. Meih mbuo oix zuqc cing-nzengc, ys.16 “Yie zoux ZIOUV, meih mbuo nyei Tin-Hungh. Meih mbuo oix zuqc saax ganh cing-nzengc daaih weic zuqc yie se cing-nzengc. Maiv dungx laaix nyorng ndau nyei haaix nyungc ga'naaiv bun ganh maaih uix. 45 Yie zoux ZIOUV, dongh dorh meih mbuo yiem I^yipv Deic-Bung cuotv daaih weic zoux meih mbuo nyei Tin-Hungh. Weic naaiv meih mbuo oix zuqc cing-nzengc weic zuqc yie se cing-nzengc nyei.” (Lewi 11:44-45).

  19. “Tin-Hungh nyei eix se hnangv naaiv. Ninh oix meih mbuo zoux cing-nzengc, simv nqoi hienx nyei sic. 4 Meih mbuo gorqv-mienh oix zuqc hiuv duqv hnangv haaix nor longc cing-nzengc nyei, taaih nyei za'eix gunv ganh nyei sin. 5 Maiv dungx sueih ganh nyei hnyouv hanc zoux, hnangv maiv sienx Tin-Hungh nyei mienh zoux nor.” (1 Te^saa^lo^ni^gaa 4:3-5).

  20. E^fe^so 5:15-18“Hnangv naaic, meih mbuo yiem seix zaangc oix zuqc faix fim meih mbuo hnangv haaix nor yiem. Maiv dungx hnangv mienh hngongx mienh, oix zuqc hnangv cong-mengh nyei mienh wuov nor. 16 Oix zuqc longc duqv horpc ziangh hoc, weic zuqc ih zanc nyei nyutc zeiv se orqv haic. 17 Maiv dungx zoux mienh hngongx mienh. Oix zuqc mengh baeqc Ziouv nyei za'eix hnangv haaix nor. 18 Maiv dungx hopv diuv nquin. Diuv se bun mienh zoux waaic sic. Daaux nzuonx oix zuqc bun Singx Lingh yiem buangv hnyouv.”

  21. “Meih nyei waac se hnangv dang ziux yie nyei zaux-mbiec, yaac zoux yie jauv zaangc nyei njang. (Singx Nzung 119:105)

  22. ”Ziouv aengx bun yie mangc yietc nyungc. Yie buatc Ziouv souv jienv longc dingc zaqc nyei hlaang zoux daaih nyei zingh laatc ga'hlen, Buoz nanv jienv dingc zaqc nyei hlaang. 8 ZIOUV naaic yie, "Aamotv aac, meih buatc haaix nyungc?" Yie dau, "Buatc diuh dingc zaqc nyei hlaang." Ziouv gorngv, "Mangc maah! Yie zorqv diuh dingc zaqc nyei hlaang ndiux yie nyei baeqc fingx, I^saa^laa^en Mienh mbu'ndongx. Yiem naaiv mingh yie maiv liouh ninh mbuo aqv. 9 "I^sakc nyei zeiv-fun yiem hlang zaangc zienh nyei dorngx yie oix baaic huaang, yaac bun I^saa^laa^en nyei norm-norm singx dinc zuqc baaic waaic, aengx longc nzuqc ndaauv caux Ye^lo^mbo^am nyei zeiv-fun mborqv jaax." (Aamotv 7:7-9).

  23. “Yesu gorngv mbuox sienx ninh wuov deix Yiutai Mienh, "Se gorngv meih mbuo zanc-zanc ei jienv yie njaaux nyei waac zoux, meih mbuo za'gengh zoux yie nyei sai-gorx. 32 Meih mbuo ziouc hiuv duqv zien leiz. Zien leiz yaac oix bungx nqoi meih mbuo." (Yo^han 8:31-32).

  24. “Houh saeng mienh oix zuqc hnangv haaix nor goux duqv ninh ganh nyei jauv cing-nzengc? Se oix zuqc ei jienv meih nyei waac zoux. 11 Yie zorqv meih nyei waac zaangh jienv yie nyei hnyouv, weic bun yie maiv baamz zuiz dorngc meih.” (Singx Nzung 119:9,11).

  25. Setv Mueiz Waac “Weic naaiv, maiv gunv meih mbuo nyanc fai hopv fai zoux haaix nyungc, yietc zungv oix zuqc zoux weic bun mienh taaih Tin-Hungh. 32 Maiv dungx zoux haaix nyungc bun Yiutai Mienh fai Janx fai Tin-Hungh nyei jiu-baang haih baamz zuiz.” (1 Ko^lin^to 10:31-32).

  26. 1 Te^saa^lo^ni^gaa 5:21-22 “Oix zuqc seix mangc nyungc-nyungc. Longx nyei oix zuqc ei jienv zoux. 22 Nyungc-nyungc orqv nyei oix zuqc simv nqoi.” Tin-Hungh nyei waac mbuox mbuo oix zuqc seix mangc nyungc-nyungc sic, seix mangc nyei eix-leiz se biux mengh gorngv oix zuqc maaih soux mouc, oix zuqc maaih gunv goux nyei jauv.

  27. Fi^lipv^poi 4:8“Yie nyei gorx-youz aac, yie aengx gorngv deix setv mueiz waac. Haaix nyungc zien nyei, horpc zuqc taaih nyei, baengh fim nyei, cing-nzengc nyei, horpc zuqc hnamv nyei, mengh dauh longx nyei, naaiv deix longx haic, horpc zuqc ceng nyei yietc zungv oix zuqc zanx jienv hnyouv.” Paulo fin-saeng kuinx mbuo haaix nyungc longx nyei haih ceix mbuo nyei jauv, mbuo siou yiem mbuo nyei hnyouv. Maiv benx nyei jauv, waaic nyei jauv mbuo maiv horpc zuqc hoqc zuotc, maiv zuqc jangx.

  28. Se gorngv mbuo oix maaih doix-dangc nyei maengc, cing-nzengc nyei maengc, mbuo oix zuqc gunv goux mbuo ganh, mbuo oix zuqc gunv jienv mbuo ganh, yiem mbuo hnamv nyei jauv, zoux nyei sic, yangh nyei jauv, gorngv nyei waac. Oix zuqc jiex gorn yiem meih caux yie, oix zuqc jiex gorn ih hnoi, ih zanc.

More Related