1 / 18

Doz Nyei Hoc Daauh:

Doz Nyei Hoc Daauh: Bangc meih nyei cingh mborpc mbuoqv meih nyei yietc zungv jaax nzunc-nzunc meih ziouc oix duqv hiuv 2 Saa^mu^en 15:31 Fight all your battles on your knees and you win every time 2 Samuel 15:31.

erek
Télécharger la présentation

Doz Nyei Hoc Daauh:

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Doz Nyei Hoc Daauh: Bangc meih nyei cingh mborpc mbuoqv meih nyei yietc zungv jaax nzunc-nzunc meih ziouc oix duqv hiuv 2 Saa^mu^en 15:31 Fight all your battles on your knees and you win every time 2 Samuel 15:31

  2. Ging-Sou: 2 Saa^mu^en 15:31 “Maaih mienh daaih mbuox Ndaawitv, “Aa^hi^to^fen yiem jienv tengx Apc^saa^lom mbienv sic wuov guanh mienh.”Ndaawitv ziouc daux gaux gorngv, “O Ziouv aac, tov bun Aa^hi^to^fen tengx caangh laangh nyei waac tiuv benx hngongx nyei sic.”

  3. Biux Mengh Waac Daux gaux nyei jauv se benx mbuo Giduc Mienh nyei mborqv jaax nyei wuoqc ginc. Tin-Hungh mbenc daaih bun mbuo longc caux Saa^daan mborqv jaax. Gitv gitv lungh ndiev nyei sienx Tin-Hungh mienh fai Tin-Hungh nyei baeqc fingx, weic daux gaux nyei jauv duqv hingh jiex nyungc-nyungc sic. Maiv gunv domh sic fai fiuh sic yaac zeiz. Loz-hnoi Ndaawitv Hungh Diex weic ninh daux gaux nyei jauv duqv hingh jiex ninh nyei win- wangv. Meiv Guoqv Hungh Jaa yaac fih hnangv nyei, weic daux gaux nyei jauv ninh mbuo mbuoqv hingh ziex norm deic-bung nyei win-wangv. Sienx Yesu nyei mienh fai haengh douh yaac weic daux gaux nyei jauv dorh duqv ziex cin ziex waanc nyei mienh nzuonx daaih sienx Tin-Hungh.

  4. I. Daux Gaux Nyei Jauv Se Mbuo Nyei Jaa-muotc • Daux gaux nyei jauv se Giduc mienh nyei mborqv jaax nyei wuoqc ginc - E^fe^so 6:10-18 2. I^saa^laa^en Mienh weic daux gaux nyei jauv duqv hingh jiez ninh mbuo nyei win-wangv – E^ss^te 4:15-7

  5. 3. Weic daux gaux nyei jauv I^saa^laa^en Mienh duqv hingh jiez - I^saa^yaa 62:6-8 4. Daux gaux nyei jauv tengx mbuo maaih baengh orn – Singx Nzung 122:6-9: 5. Daux gaux tov baengh orn nyei jauv – Fi^lipv^poi 4:5-7:

  6. 6. Daux gaux tov Tin-Hungh bun gong-mienh – Matv^taai 9:37- 38 7. Daux gaux tov Tin-Hungh tengx zorc baengc – Yaagorpc 5:13-16: 8. Daux gaux tov Tin-Hungh bun congh mengh – Yaagorpc 1:5:

  7. II. Oix Zuqc Ngaengc Jienv Saa^daan

  8. Ngaengc jienv yiem daux gaux nyei jauv se benx Ging-Sou njaaux nyei jauv gorngv mbuox mbuo oix zuqc doix dekc orqv nyei jauv. Bide fiev jienv gorngv, “Oix zuqc sienx wuonv, ngaengc jienv mienv nyei hungh, weic zuqc meih mbuo hiuv duqv yiem naaiv lungh ndiev sienx Yesu nyei gorx-youz yaac hnangv meih mbuo nor, zuqc buangh naaiv nyungc kouv.” (1 Bide 5:9).

  9. 2. Yaagorpc yaac fih hnangv nyei gorngv, “Hnangv naaic oix zuqc mbuoqc Tin-Hungh gunv. Oix zuqc ngaengc jienv mienv nyei hungh, Saadaan, ninh ziouc biaux meih mbuo aqv. 8 Oix zuqc mingh nitv jienv Tin-Hungh, Tin-Hungh ziouc daaih nitv jienv Meih mbuo. Zuiz-mienh aah! Oix zuqc nzaaux nzengc buoz. I diuc hnyouv nyei mienh aah! Oix zuqc nzaaux meih mbuo nyei hnyouv cing-nzengc daaih.” Bide caux Yaagorpc i dauh zungv gorngv heuc oix zuqc ngaengc jienv Saa^daan yaac daux gaux.

  10. 3. Daux gaux yaac ngaengc jienv doix dekc nyei jauv se benx yietc nyungc mbuo dingc hnyouv doix dekc waaic nyei orqv nyei sic. Gauh longx jiex mbuo maiv gunv, fai sueih waaic nyei jauv mingh. Mbuo oix zuqc doix dekc borngz taux hingh, gunv damv hlo nyei yaac maaih qaqv: longc noic caux maaih ngaaih touh nyei jauv. Weic naaiv, Yesu cingx daaih gorngv “Oix zuqc zanc-zanc daux gaux maiv dungx hnyouv namx” (Lugaa 18:1).

  11. III. Mbuoqc Tin-Hungh Nyei Jauv 1. Mbuoqc Tin-Hungh nyei jauv se gorngv, “Yie maiv haih, mv baac Meih haih nyei.” Yiem mbuo nyei mborqv jaax ciaangv, m’nziex mbuo daux gaux gorngv, “Ziouv aac, yie maiv haih mborqv maiv hingh Saa^daan weic yie ganh nyei qaqv. Mv baac caux jienv meih nor, yie haih nyei.” Naaiv se dongh Baulo zoux nyei jauv, wuov zanc ninh gorngv, “Giduc bun yie maaih qaqv, nyungc-nyungc yie ziouc zoux duqv aqv. (Fi^lipv^poi 4:13).

  12. Yaagorpc njaaux taux mbuoqc Tin-Hungh nyei jauv se tengx mbuo nitv fatv Tin-Hungh. Se hnangv mbuo longc ziangh hoc daux gaux caux Tin-Hungh jiu tong nor, tengx mbuo haih hiuv duqv Tin-Hungh camv faaux yaac tengx mbuo haih hingh jiex Saa^daan caux duqv haiz taux Tin-Hungh nyei fuqv.

  13. 3. Mbuo daaih nitv fatv Tin-Hungh yiem longc ziangh hoc daux gaux doqc Ging-Sou nyei jauv. Mbuo daaih nitv fatv Tin-Hungh muangx ninh nyei waac yiem mbuo longc ziangh hoc caux Tin-Hungh jiu tong zuov ninh, bun qangx ninh dorh mbuo nyei jauv mbenc mbuo nyei maengc. Mbuo daaih nitv fatv Tin-Hungh yangh mbuo longc ziangh hoc daux gaux nyei jauv, mbuo guon jienv mbuo nyungc-nyungc dongh nyauv mbuo nyei jauv nor mbuo gauh duqv hiuv Tin- Hungh gauh camv.

  14. 4. Mbuo hiuv duqv ninh gauh longx, mbuo ziouc haih duqv buatc ninh nyei qaqv gauh camv, yaac duqv haiz ninh nyei hnamv, yiem ninh nyei congh mengh daaih, tengx mbuo maaih sienx fim. Mbuo yaac aengx mengh baeqc gauh camv jiex: “Zeiz nyei, Tin-Hungh haih tengx yie hingh jiez Saa^daan. Zeiz nyei Tin-Hungh hingh jiez saa^daan nyei la’nyauv sic. Zeiz nyei, Tin- Hungh oix yie haih hingh jiez win-wangv yaac ziangh Giduc Yesu hingh jiez nyei maengc.

  15. IV. Sienx Fim Nyei Jauv • Sienx fim nyei jauv, se biux mengh mbuox Tin-Hungh gorngv, “Yie sienx Meih oix zoux ziangx nyei jauv.” Ziex nzunc jiex daaih Ndaawitv zunh box taux ninh nyei sienx fim yiem Tin-Hung. Ov! Tin-Hungh aac, yie sienx kaux meih” (Singx Nzung 25:2; 31:6; 55:23; 56:3;143:8).

  16. 2. Mbuo nyei sienx fim haih hlo se weic mbuo cuotv sienx fim nyei qaqv, yiem mbuo sienx kaux bungx hnyouv Tin-Hungh nyei jauv, yietc bouc jiex yietc bouc, yietc mbiec jiex yietc mbiec, yietc nyungc sic jiex yietc nyungc sic. Mbuo caux Tin-Hungh jiu tong nyei jauv yietc bouc jiex yietc bouc. hoqc muangx Tin-Hungh nyei waac, caux ziepc zuoqv hnyouv hnamv Tin-Hungh.

  17. 3. Se gorngv meih maiv sienx yaac maiv bangc Giduc Yesu nyei domh qaqv nor, maiv gunv meih ndongc haaix ngaengc fai ndongc haaix doix dekc, meih yaac maiv haih hingv jiex Saa^daan. Jiex mingh nyei jauv meih haih souv duqv wuonv yiem meih nyei sienx fim se kungx dongh meih mbuoqc Tin-Hungh nyei ziangh hoc hnangv. Se gorngv haaix zanc meih maiv muangx fai maiv mbuoqc Tin-Hungh nor, meih ziouc biux mengh gorngv mbuox Tin-Hungh, “Yie maiv qiemx zuqc meih aqv.

  18. Setv Mueiz Waac Longx nyei fienx se dongh Tin-Hungh bun mbuo dauh dauh nyei jauv se mbuo haih ndorpc hlaau mbuo nyei sienx fim nyei jauv ndongc haaix hlo. Ninh bun mbuo maaih banh zeic haih mbuoqc Ninh. Hnangv naaic, mbuo haih ngaengc jienv Saa^daan fai Hiuang orqv wuov dauh. Yangh mbuo daux gaux nyei jauv, Saa^daan yaac oix biaux mbuo.

More Related