1 / 75

台灣諺語

台灣諺語. 分享者:高朗國小 教師兼總務主任 陳東星. 台灣諺語 - 踏話頭:. 語言只不過是一種溝通的工具而已 ? 「語言是,溝通的工具、思維的結構,認知的基礎、認同的符號,身份的表態、文化的展現、能力的鑑定、競爭的武器。」 由此咱著會當體會語言的多功能,以及了解語言對一個族群的重要性。 比如講:「 番仔殺 (tai5) 」表示「 真衰 」的意思,但是即句話有伊一段過去移民族群的生活經驗。. 踏話頭:. 一個族群的語言,上會當凸顯語言特色,是伊的「俗語」

hila
Télécharger la présentation

台灣諺語

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript


  1. 台灣諺語 分享者:高朗國小 教師兼總務主任 陳東星

  2. 台灣諺語-踏話頭: • 語言只不過是一種溝通的工具而已 ? • 「語言是,溝通的工具、思維的結構,認知的基礎、認同的符號,身份的表態、文化的展現、能力的鑑定、競爭的武器。」 • 由此咱著會當體會語言的多功能,以及了解語言對一個族群的重要性。 • 比如講:「番仔殺(tai5)」表示「真衰」的意思,但是即句話有伊一段過去移民族群的生活經驗。

  3. 踏話頭: • 一個族群的語言,上會當凸顯語言特色,是伊的「俗語」 • 伊是一個民族、族群生活經驗的智慧,亦是一個族群的風土民情佮思想信仰的縮影,反映一個族群的特性,唯(ui3由)遮兮「古早話」互咱了解文化的傳承。 • 下面咱就舉幾句仔俗語的例,來說明「語言、俗語有儲存文化的功能」,互咱用上蓋簡單的語句,來了解一段有台灣味、歷史情的活動過程。

  4. 台灣諺語 • 唐山過台灣,oan5 心肝結規丸。Oan5 • 即句流傳佇台灣民間的俗語,描寫台灣四百冬來,漢人的祖先移民到台灣的一段辛酸史。 • 清朝有一位無名氏的詩人,寫一首「渡台悲歌」─「勸君切莫過台灣,台灣恰似鬼門關,千個人去無人轉,知生知死誰都難?」

  5. 台灣諺語 • 紅柿若出頭tau5 羅漢跤目屎流Lau5 • 即句流傳佇民間的俗語,形容當初移民到台灣的唐山客,佇台灣無某無猴,若寒天一到,變成「有路無厝」,就無知卜如何過冬,充分表達出移民的心酸。

  6. 台灣諺語 • 來台灣的移民絕大多數攏是獨身仔,有的好運參平埔族的女子結婚,有的煞揣(尋)無牽手,無家後,無田園,無頭路,最後只好淪為游民,迄(那)陣的台灣人稱呼即種人叫「羅漢跤」。 • 「羅漢跤」往往滯(住)無定所,天氣好的時,凊采佇路邊、簷前跤倒咧睏,但是紅柿若出頭,表示立秋來到,天氣開始轉涼,從此日子就歹過了。

  7. 台灣諺語 • 少年若無一擺戇,gong7路邊哪有有應公Kong • 即句民間的俗語是咧表示,唐山的一寡「戇少年」,當初並無三思而行,就離開原鄉,移民到台灣,一時舉頭無親,煞四界流浪,終其尾喪身在他鄉外里,變成孤魂野鬼的「有應公」受人祭拜。 • 這是希望變成空,慘死在他鄉外邦的一段辛酸的故事。

  8. 台灣諺語 • 羅漢跤仔「有路無厝」、「病無藥,死無蓆」、「死後,無人哭」。 • 在生進前,舉目無親,四界流漢,死後更加無人辦後事,屍體暴露佇路邊,所謂「路傍屍」,任由風吹雨沃(淋)。 • 過去的民俗傳統,認為無倚無靠、無後嗣的鬼魂,因為無人祭拜會變成「惡鬼」。所以一寡民間善士,就替遮兮(這些)「路傍屍」收埋,起廟仔,並且定時祭拜,這就是「有應公」廟仔的由來。即款的廟仔,常常出現佇莊跤的角落,或者是田園邊、墓地的附近。一般無了解的人,往往當做「土地公」廟。

  9. 台灣諺語 • 頂港有名聲,siaN 下港有出名。BiaN5 • 即句民間的俗語是咧表示,一個人、一個物件,伊的知名度響遍全台灣,通人知影。 • 台灣早期陸上道路,並無完全開通,南北二路的交通完全靠港口坐船來往,所以用「頂港」、「下港」來指北部、南部。另外用「後山」來表示東部的所在。

  10. 台灣諺語 • 仙拚仙,sian 拚死猴齊天。Thian • 即句民間的俗語是咧表示,過去佇台灣移民社會內底,常常因為利益的衝突,族群的衝突,意識形態的衝突,時常發生爭鬥,社會無一日的安寧,終其尾兩敗俱傷。

  11. 台灣諺語 • 即款的相觕(tak4)的文化,流傳到即碼的社會,嘛是黨派利益的衝突、派系利益的衝突,鬥來鬥去內部攏袂安定,台灣人無知啥乜(什麼)叫做團結,莫怪有人講:「台灣人放尿,攪沙袂做堆。」,實在是誠諷刺的一句話,值得逐家好好來反省。

  12. 台灣諺語 • 唐山過台灣:從福建移民到台灣來。 • 心肝結規丸:面對深不可測的台灣海峽,及非法偷渡的恐懼心結。 • 紅柿若出頭:長在樹上的紅柿子若成熟了,表示冬天快來臨了。 • 羅漢跤目屎流:這些單身的移民,由於居無定所,在寒冷的冬天,日子就難過了。

  13. 台灣諺語 • 少年若無一擺戇:年輕時若不是有過莽撞的行為,或輕舉妄動。 • 路邊哪有有應公:路旁怎麼會有,為那些無後嗣的孤魂野鬼所建的有應公廟呢? • 頂港有名聲:不但在以淡水港為中心的北部地區的名聲響亮。 • 下港有出名:連在以淡水港為中心的南部地區也是家喻戶曉的人物。

  14. 台灣諺語 • 仙拚仙:能呼風喚雨的神仙,彼此各顯神通去鬥垮對方。 • 拚死猴齊天:經常互相動起干戈來,即使連會七十二變善戰的孫悟空也要累死。

  15. 台灣諺語 的啟示 • 佇(在)目前這個工商社會內底,除了普通時參(和)厝裡的人鬥陣(相處)以外,佇外口參別人接觸的機會嘛足濟(很多)。譬如佇路頂、佇公車、佇辦公室、佇學校、佇餐廳、佇娛樂場所… • 會使講(可以說),隨時攏會拄著(遇到)一寡人,唔管(不管)有識似(認識)亦是無識似,加減攏會有摩擦兮時陣。

  16. 台灣諺語 的啟示 • 這個時陣咱著愛控制家己的情緒,想起 • 「好歹在心內,喙(嘴)唇皮仔相款」 • 「心歹無人知,喙歹上厲害。」 • 「好嘛一句,歹嘛一句」 • 「人情留一線,日後好相看」 • 這幾句台灣上早「EQ」的古早話。畢竟「中主人意,便是好工夫」是服務業兮原則。

  17. 台灣諺語 的啟示 • 所以佇這個行業卜徛起(欲站起),愛對人際關係下一點仔工夫。台灣俗語講得好 • 「一牽成、二好運、三才情。」 • 說明有貴人的牽教,比什麼佫恰(都較)有效 • 「捌(識)人恰好捌錢」 • 「坐乎正,得人疼。得人疼,恰好咧打拼。」 • 「好喙袂食本」、「魚食露水,人食喙水。」 • 「人人好」

  18. 台灣童謠 • ABC狗咬豬 (傳統唸謠) ABC狗咬豬,阿公仔坐飛龍機,跋一下冷支支。叫醫生,來甲伊醫,醫一下跤骨大小支,醫一下跤骨大小支。

  19. 台灣童謠 • 一的抄米香 (流傳唸謠) • 一的抄米香,二的抄韭菜,三的強強滾,四的抄米粉。五的五將軍,六的六子孫,七的蚵仔飼麵線,八的講伊卜分一半,九的九嬸婆,十的撞大鑼。 • 打你千打你萬,打你一千零五萬,羞羞羞袂見笑,猜輸唔甘願,玩輸起蝦龜,唔甘願起蝦龜,我卜來去投老師,投老師。

  20. 台灣童謠 • 一年仔倥倥 (傳統唸謠) • 一年仔倥倥,二年仔孫悟空,三年仔吐劍光,四年仔愛膨風,五年仔上帝公,六年仔閻羅王,閻羅王。

  21. 台灣童謠 • 十二生相(chap8-ji7 seN-sioN3) • 一鼠,賊仔名,(mia5)二牛,駛犁兄,(hiaN)三虎,爬山崎,(kia7)四兔,遊東京,(kiaN)五龍,皇帝命,(mia7)六蛇,互人驚,(kiaN)七馬,跑兵營,(iaN5)八羊,食草嶺,(nia)九猴,爬樹頭,(thau5)十雞,啼三聲,(siaN)十一狗,顧門庭,(tiaN)十二豬,菜刀命。(mia7)

  22. 台灣出甜粿(tai5-uan5 chhut tiN-kue2) • 喂、喂、喂, (ue2) 台灣出甜粿。 (kue2) • 甜粿真好食, (chiah8) 台灣出木屐。 (kiah8) • 木屐真好穿, (chhing7)台灣出鵁鴒。 (ling7) • 鵁鴒會講話, (ue7) 台灣出棉被。 (phue7) • 棉被甲會燒, (sio) 台灣出芎蕉。 (chio) • 芎蕉真大枇,(pi5) 台灣出蕃薯。(chi5) • 蕃薯會止飢,(ki) 台灣出飛機。(ki) • 台灣真爻飛,(pue) 台灣出鼓吹。(chhue) • 鼓吹真爻陳,(tan5) 台灣出炸彈。(tan5) • 炸彈真厲害,(hai7) 歹人唔敢來。(lai5)

  23. 台灣童謠 • 白鷺鷥 (傳統唸謠) 林福裕改編 白鷺鷥車糞箕,車到溪仔墘,跋一倒,抾著二先錢。一先儉起來好過年,一先買餅送大姨。

  24. 西北雨直直落 (台灣童謠)黃敏配曲 • 西北雨直直落,鯽仔魚卜娶某。鮕鮐兄拍鑼鼓,媒人婆仔土虱嫂,日頭暗揣無路,趕緊來火金姑, 做好心來照路,西北雨直直落。西北雨直直落,白鷺鷥來趕路。搬山嶺過溪河,找無岫(巢)跋一倒,日頭暗卜怎好,土地婆做好心來帶路,西北雨直直落。

  25. 放雞鴨 (傳統唸謠) • 一放雞,二放鴨,三分開,四做堆,五搭胸,六拍手、七圍牆,八摸鼻,九揪耳,十抾起。

  26. 掩咯雞 (傳統唸謠) • 掩咯雞,走白蛋,隨你食,哎喲隨你纘(nng),咯雞仔囝,哎喲覓密密。老鼠仔囝偷做賊,一支刀咧一支劍,卜走唔走,唔通哮,唔通哮。

  27. 秀才騎馬弄弄來 (台灣童謠) 施福珍配曲 • 秀才秀才騎馬弄弄來,佇馬頂跋落來,跋一下真厲害。喙齒疼,糊下頷。目睭疼,糊目眉。腹肚疼,糊肚臍。嘿真厲害。

  28. 金龜 • 金龜金龜頭趄趄(lu-lu),匿佇樹頂咧啄居。金龜金龜,細粒頭,圓身軀。

  29. 羞羞羞 (傳統唸謠) • 羞羞,羞羞羞,提藍仔撿雨鰡。羞羞,羞羞羞,提藍仔撿雨鰡。攏總撿幾尾,哎喲, 攏總撿兩尾啦,攏總撿兩尾。一尾煮來吃,一尾糊目睭, 羞羞,羞羞羞。

  30. 普渡歌(phoo2-too7 kua) • 普渡來,卜做戲,(hi3)吩咐三,吩咐四,(si3)吩咐親家親姆,十五來看戲。(hi3)對(由)竹跤,厚竹刺,(chi3)對(由)溪邊,驚跋死,(si0)對(由)大路,嫌費氣,(khi3)無著 ,攏勿去。(khi3)

  31. 搖仔搖 (傳統唸謠) • 搖仔搖仔搖荖搖,搖到內山去挽茄,挽若多?挽到一飯蘺,也好食,也好賣,也好互嬰仔做度睟。

  32. 搖囝賢大漢 (傳統唸謠) • 搖仔搖,搖仔搖。搖囝也在叫。搖你大漢,我有所望。搖囝賢大漢,搖囝賢大漢。

  33. 搖啊搖(io5 a0 io5) • 搖啊搖,(io5)豬跤雙爿撩,(lio5)大麵雙碗燒,(sio)肉丸炒胡椒,(chio)蒜仔炒魚鰾,(pio7)卜睏著放尿,(jio7)出門著坐轎。(kio)

  34. 貧憚仙(pun5-tuaN7 sian) • 一天過了又一天,(thian)身軀無洗全全鉎,(sian)走去溪仔洗三遍,(pian3)毒死烏魚數萬千。(chian)

  35. 樹頂一隻猴(chhiu7-ting2) • 樹頂一隻猴,(kau5)樹下一隻狗。(kau2)猴跋落來,磅著狗。(kau2)猴亦走,狗亦走。(chau2)唔知猴驚狗,(kau2)抑是狗驚猴。(kau5)

  36. 點仔點水缸 (傳統唸謠) • 點仔點仔點水缸,啥乜人仔放屁爛跤尻。點仔點仔點茶甌,啥乜人仔今晚卜來阮兜。點仔點仔點茶壺,啥乜人仔今晚卜娶某。點仔點仔點叮噹,啥乜人仔今晚卜嫁尪。點仔點仔點水缸,啥乜人仔放屁爛跤尻。點仔點仔點書包,啥乜人仔今晚卜來阮兜。點仔點仔點鉛筆,你若是歹囝仔才做白賊也。點仔點仔點紛紛,你是英雄好漢去做軍。

  37. 龍眼干 • 龍眼干,三兩半,你點燈,我來看。龍眼干,三兩半,你點燈,我來看。看啥乜,看新娘,新娘美咚咚,嫁好尪。

  38. 台語謎猜和孽喫(giat-thiat)仔話 一、人體: • 天頂一抱秧,無人沃水家己長。 (thâu-mng) • 二個矸仔貯烏棗,日時開,暝時鎖。 (bak -tsiu) • 一叢樹仔發兩葉,越來越去看袂著。 (hīⁿ)

  39. 台語謎猜-人體 • 內山一片葉,雨來沃袂著。 (tsih) • 頂石合下石,中央一尾鯉魚合袂著。(tsih) • 頂石合下石,會生根,袂發葉。 (tshùi-khí) 。溪仔邊一抱草,囡仔背袂贏,老的背咧走。 (tshùi-tshiu )

  40. 台語謎猜-動物 • 毋驚神,呣驚鬼,驚風颱,驚大水。 (káu-hiā) • 日出滿山去,黃昏歸滿堂,年年出新主,日日採花郎。 (phang) • 有翅飛袂起,無腳走千里。 (hî) • 有跤無手,有衫無鈕,出門串食紅燒酒。(báng-á)

  41. 台語謎猜-動物 • 一個老歲仔老哀哀,厝前厝後補米篩。 (ti-tu) • 頭尖尾尖,放屎臭馦馦;上桌頂無人嫌。 (ke) • 一個矸仔貯烏豆,那行那食那塊漏,盤山過嶺欲食草,落雨咻甲咩咩哮。(iûⁿ)

  42. 台語謎猜-動物 • 烏矸仔貯烏豆,ūan 那行ūan 那漏 。(iûⁿ) • 頭圓圓,尾直直,六支腳,四支翅。 (tshân-eⁿ)

  43. 台語謎猜-動物 • 四兄弟同名不同姓,一的住海裡,二的住土裡,三的住桌頂,四的住樹頂。(四種ku)

  44. 台語謎猜-植物 • 紅關公,白劉備,黑張飛走去匿。(nāi-tsi) • 紅布包白布,一喙食,一喙吐。(kam-tsià) • 青布包白布,白布包柴梳,柴梳包蝦米,蝦米包酸醋。(iū-á)

  45. 台語謎猜-植物 • 頂開花,下落釘,大人囡仔興。 (tho-tāu) • 青皮白腹,剖開空殼。(tik-á) • 大的檔垂,二的粗皮,三的無籽,四的無皮。 (ging-gíng , nāi-tsi,kin-tsio, liân-bū)

  46. 台語謎猜-物品 • 一支竹仔有七孔,歕落去弄叮噹。(phín-á) • 半天一塊碗,雨來貯袂滿 (tsiáu-á siū) • 出來活跳跳,入去死翹翹。(po-tē-hìⁿ-ang-á)

  47. 台語謎猜-物品 • 出門一蕊花,入門一條瓜。(hȱ-sùaⁿ) • 無跤會走,無喙會吼,腹肚腸仔佇外口(kan-lok) • 一支柴仔直溜溜,有鼻無目珠。(tsiam) • 一個囡仔穿紅衫,爬上天,跌落來,一身爛爛爛。(phàu-á)

  48. 台語謎猜-物品 • 尖嘴鳥,歇烏溪,行白路,言語濟。 (mo-pit) • 一對物仔,彎彎khiau khiau,提到手裡就欲hiat 掉。(pue) • 十加十就是十,十減十嘛是十。 (tshiú-lok-á) • 你若袂曉,伊就憨憨,你若會曉,伊就比你較巧。(tiān-náu)

More Related