PAGKAHAMTONG (ADULTHOOD)

PAGKAHAMTONG (ADULTHOOD) 35 --> 65 anyos Maglangkob kini sa panahon nga nagpadako na kita og mga anak.

Kahigwaos sa Huna-huna ug Pagbati(Psychosocial crisis ) • Pag-atiman sa sunod nga kaliwatan vs. natuhop/ napundo lang sa kaugalingon, (generativity vs self-absorption (stagnation) • Ang tahas dinhi mao ang pag-balanse tali sa pag-atiman sa sunod nga kaliwatan ug sa pagpatuhop sa kaugalingon. • Kung makita nga anaa sa pagkapundo lang sa kaugalingon, maka-ingon nga nagsinati kini og "Midlife Crisis".

Tahas sa Hamtong • Ang pagpalapnag sa kultura sa pamilya. Ang mga ginikanan nagpalapnag sa mga bili sa kultura diha sa pamilya ug sa trabaho. • Importante kaayo ang trabaho, diin ikaw ang responsable. Dako ang panahon nga gigahin dinhi alang sa pagpangandam sa katapusang yugto sa kinabuhi.

KAHAMTONGAN • Mao kini ang panahon nga nakab-ot ang pagkahingkod sa pagkatawo - diha sa panglawas, hunahuna, pagbati, ug espiritu. Ang teorya nag-ingon nga ang kahamtongan mao ang tinuod nga pagsulay sa kinabuhi, diin masinati niya ang kinabuhi sa iyang kaugalingon gayud, ug wala na nagsalig sa ginikanan, ug iyang ipasa sa kabataan ang maong mga kasinatian.

Panahon sa kahamtongan, nagpadayon kita sa pagpalambo sa kinabuhi, pinaagi sa paghatag og pagtagad sa atong trabaho ug sa pamilya. • Kadtong nagmalampuson niining maong yugto maka-ingon nga nakatampo sila sa kalamboan sa ilang pamilya ug sa katilingban. Kadtong napakyas maka-ingon nga wala sila’y gikatampo ug walay pulos sa pamilya ug sa katilingban.

Kinaiya sa mga Hamtong(Personal characteristics of Adults) Ang kinaiya sa mga Hamtong naglangkob sa: • Pagpugong sa Kaugalingon (Self-control) • Dili matarog (Stability) • Makabarog sa Kaugalingon (Independence) • Pagka-seryoso (Seriousness ) • Responsibilidad (Responsibility ) • Abilidad sa Paglantaw ug Pagplano sa Unahan (Method/Tact) • Abilidad sa Pag-atubang sa Kalisud nga Giatubang (Endurance) • Kasinatian (Experience) • Praktikal (Objectivity) • Abilidad sa Paghimo og Desisyon (Decision making capability) • Kahibalo Unsa ang Angayan Atimanon sa Hustong Lugar ug Panahon (Priorities)

Ang mga hamtong kinahanglan nga magbuhat o mag-atiman sa mga butang nga magpabilin bisan wala na sila niining kinabuhi. Kasagaran mahitabo kini pinaagi sa ilang mga anak, o sa mga maayong buhat nga ilang gibilin. Ang kalampusan makahatag kanila og pagbati nga napuslan sila, samtang ang kapakyasan makahatag og pagbati nga wala sila’y gikatampo sa katilingban.

Pag-atiman sa Sunod nga Kaliwatan (Generativity) • Ang “Generativity” usa ka pagsumpay sa gugma ngadto sa kaugmaon. Usa kini ka pagtagad sa sunod nga mga kaliwatan. Wala na kini naghuna-huna sa kaugalingon kundili ang kaayuhan ug kaugmaon na sa kabataan. Ang mga ginikanan wala nagpaabot og balos gikan sa ilang kabataan. Kay kung nagpaabot sila og balos, dili sila maayong ginikanan!

Kasagaran nasinati kini diha sa pagpadako sa kaugalingong kabataan. Apan si Erikson miila sa mga propesyon sama sa pagtudlo, pagsulat, pagka-imbentor, sa arte ug sa siyensiya, paglihok alang sa kausaban sa katilingban, ug uban pang mga propesyon - nga mga pamaagi sa pag-atiman sa sunod nga kaliwatan – tanan nga nagtagbaw sa “panginahanglan sa uban.”

Ang Pagka-pundo sa Kaugalingon (Stagnation) • Sa laing bahin, ang “Stagnation”, usa ka pagpatuhop lang sa kaugalingon, sa walay pag-atiman sa uban. Ang napundo nga tawo walay pagpakabana sa katilingban. • Duna po’g gitawag ni Erikson nga “overextension” Dunay mga tawo nga nasobrahan sa pag-atiman sa uban nga wala na hinuoy panahon sa pag-atiman sa kaugalingon, busa dili ra pod makatampo kaayo sa katilingban tungod sa kadaghan nga giatiman.

Ang Krisis sa Tunga-tunga’ng kinabuhi sa mga Mga Hamtong ("midlife crisis“) • Kini ang yugto usab sa "midlife crisis." Dunay mga lalaki ug babaye niining panahona nga makapangutana sa ilang kaugalingon: “Para asa man ning tanan kong gibuhat?” Usisaha ang ilang pangutana, “Para asa?”, imbis nga mangutana kung “Para kang kinsa?” Buot nila nga puy-an pagbalik ang ilang pagka-batan-on. Kasagaran mahitabo kini sa mga lalaki. Pasagdan nila ang ilang asawa, ug ilang trabaho, ug magyampungad sa mga balay lulinghayaw. Segurado nga maglisud sila sa pagkakita sa ilang gipangita kay dili man gyud mao ang ilang gipangita.

Importante nga mga Relasyon(Significant relations) • Panimalay, kauban sa trabaho (household, workmates ) • Trabahoan - katilingban & pamilya

Estilo sa Panghuna-huna ug Pakig-relasyon(Psychosocial modalities) • Pagtrabaho ug pag-atiman alang sa uban • Kalig-on: pag-atiman sa uban & pag-mapuslanon diha sa trabaho • Importante nga tahas; Pag-atiman alang sa kaayuhan sa sunod nga mga henerasyon • Kahuyang: Pagmando sa kabataan; magbuot

Mga Maayong Kalidad (Psychosocial virtues) • Pag-atiman; pag-amoma • Kung malampuson ka niining maong yugto, molambo kanimo ang kapasidad sa pagka-mahigugmaon nga maoy makapasayon sa imong paglatas sa kinabuhi.

Dili Maayong Pagtubo(Maladaptations & malignancies) • Sobra ang pag-atiman sa uban – dili mo-atiman sa kaugalingon. • Ang grabe mao ang “rejectivity” o ang dili pag-apil-apil sa kalihukan sa katilingban alang sa kaugmaon sa kabataan.Kay kung unsa ang imong natampo sa katilingban mao baya ang “maghatag og kahulogan sa kinabuhi”.

PAGKAHAMTONG (ADULTHOOD)