Pawòl Lavi a

1. Pawòl Lavi a Mas 2011

2. « Me sèvant Granmèt la. Se pou sa fèt pou mwem selon pawòl ou a »(Lk 1, 38).

3. Nou menm tou, tankou Mari, Bondye vle fè-n wè sa li te panse sou nou chak, li vle fè-n konnen kilès nou ye vre.

4. Se tankou si li ta di nou : « Ou vle pou mwen fè pou-w menm epi pou lavi pa-w tounen yon siksè ki pa gen parèy? Se pou-w swiv chemen m-ap montre-w la epi w-ap tounen sila ki anndan kè-m depi toutan. »

5. « Sèke depi toutan mwen te sonje-w, mwen te renmen-w, mwen te di non-w. Lè m-ap di-w sa-m vle nan men-w, lè sa m-ap di-w kilès ou ye tout bon vre. »

6. Volonte Bondye a se pa yon obligasyon k-ap kraze nou, men se montre l-ap montre nou kijan li renmen nou, ki pwojè li gen pou nou. Pwojè sa li gran tankou Bondye li menm, li atiran, li bèl tankou figi li-a : se li menm menm k-ap bay pwòp tèt li-a.

7. Volonte Bondye se tankou yon fil lò, yon pakèt fil k-ap fòme twal lavi nou-an ni sou tè-a ni apre : depi toutan e pou toutan, nan Bondye dabò, sou tè-a answit, epi nan Paradi nan finisman.

8. Men pou pwojè Bondye kapab reyalize nèt ale, sa mande pou-m di wi, pou w di wi, jan li te mande Mari. Se sèlman konsa pawòl li te di sou mwen, sou-w kapab reyalize. Kidonk, nou menm tou, tankou Mari, li mande-n pou-n di-l wi tou:

9. « Me sèvant Granmèt la. Se pou sa fèt pou mwem selon pawòl ou a » (Lk 1, 38).

10. Se sèten volonte Bondye-a pa toujou byen klè. Tankou Mari, nou menm tou n-ap bezwen mande limyè pou-n konnen kisa ki volonte Bondye.

11. Nou bezwen koute byen ti vwa li ki anndan kè-n, ak yon kè sensè, mande moun ki kapab ede nou konsèy. Men depi nou konnen sa Bondye vle, nou bezwen di-l wi touswit.

12. Sèke, si nou te konprann byen volonte Bondye se sa-k pi wo, sa-k pi bèl ki kapab nan lavi nou-an, nou pap reziyen « oblije » fè volonte Bondye

13. men n-ap kontan dèske nou « kapab » fè li, nou kapab swiv pwojè pa-l, konsa sa li te panse pou nou va reyalize. Se pi bon bagay nou kapab fè, sa-k pi entelijan.

14. Men detanzantan sa li mande nou-an kapab parèt pa gen sans. Li ta pi bon yon lòt fason, nou ta vle pou se nou menm ki t-ap pran lavi nou nan men nou.

15. Nou ta vle menm bay Bondye konsèy, di li kijan pou-l fè epi kijan pou-l pa fè.

16. Men si mwen kwè Bondye se Renmen epi mwen gen konfyans nan li, mwen konnen sa li te fè nan lavi mwen ak nan lavi tout moun ki bò kote-m, se paske li bon pou mwen ak pou lòt yo tou.

17. Lè sa mwen remèt tèt mwen nan men-l, mwen lage kò-m ak konfyans nan volonte pa-l epi mwen vle li ak tout fòs mwen, jous mwen rive fè youn avè-l, paske mwen konnen aksepte volonte pa li se aksepte li menm menm, mwen anbrase-l, mwen fè-l tounen nouriti pa-m.

18. Nou dwe kwè pa gen anyen ki rive sanzatann. Nanpwen evenman kit li fè kè-n kontan, kit li konsa konsa, kit li fè-n soufri, nanpwen rankont, nanpwen sitiyasyon nan fanmi, nan travay, nan lekòl, nanpwen kondisyon sante nan kò ak nan kè ki pa gen sans.

19. Men tout bagay – evenman, sitiyasyon, moun – pote yon mesaj sot nan Bondye, tout bagay rive fè sa Bondye vle, sa n-ap dekouvri piti piti, jou apre jou, nan fè volonté Bondye tankou Mari.

20. Pawòl Mari a – « Me sèvant Granmèt la » - se repons renmen nou an pou renmen Bondye gen pou nou. Pawòl sa yo kenbe nou toujou tounen bò kote-l, nan koute-l, nan obeyi avèk yon sèl lide, akonpli volonte li pou-n tankou li vle pou-n ye.

21. « Me sèvant Granmèt la. Se pou sa fèt pou mwem selon pawòl ou a » (Lk 1, 38).

22. Kijan pou-n viv Pawòl sa-a? Di Pawòl Bondye wi, vle di fè byen, nèt ale, nan chak moman, aksyon sa volonte Bondye-a mande nou.

23. Se pou-n la nèt ale, nan aksyon sa-a, etan n-ap mete apa tout lòt bagay, n-ap pèdi lide yo, dezi yo, souvni yo, aksyon yo ki pou yon lòt bagay.

24. Se pou-n di li anvan tout aksyon : « Se pou sa fèt », « se pou-l fèt ». Konsa n-ap akonpli nan chak ti moman, tikal pa tikal, bèl tablo lavi nou-an ki pa gen lòt parèy Granmèt la te vle depi toutan pou nou chak.

25. Devan chak volonté Bondye k-ap fè-n soufri, k-ap fè kè-n kontan, ki konsa konsa, nou kapab repete : « Se pou sa fèt pou mwem selon pawòl ou a. » oubyen, tankou Jezi te montre nou nan « Papa nou » : « se pou volonte-w fèt ».

26. « Me sèvant Granmèt la. Se pou sa fèt pou mwem selon pawòl ou a » (Lk 1, 38). “Pawòl Lavi a”, se yon dokiman mouvman fokolari yo voye chak mwa. Dokiman sa Kyara Libik te ekri li nan mwa desanm 2002.Imaj yo,Anna Lolloansanm avèk PèPlacido D’Omina(Sisil - Itali) Yo tradwi Pawòl Lavi a nan 96 lang ak idyòm, epi li rive jwenn kèk milyon moun tout kote sou tè a pa lentèmedyè enprimri, radyo TV epi internèt – pou pran enfòmasyonwww.focolare.org Yo tradwi PPS la nan divès lang epi yo pibliye l souwww.santuariosancalogero.org