1 / 50

The New Resolution of 2009 Hlo Yiem Tin-Hungh Nyei Jauv Growing in God

The New Resolution of 2009 Hlo Yiem Tin-Hungh Nyei Jauv Growing in God. 2 Bide 1:1-15.

claire
Télécharger la présentation

The New Resolution of 2009 Hlo Yiem Tin-Hungh Nyei Jauv Growing in God

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. The New Resolution of 2009Hlo Yiem Tin-Hungh Nyei JauvGrowing in God 2 Bide 1:1-15

  2. 3 Tin-Hungh longc ninh nyei qaqv zorqv mbuo yiem naaiv seix zaangc weic gan longx Tin-Hungh qiemx longc nyei nyungc-nyungc ceix bun mbuo. Mbuo hnangv naaiv nor duqv weic zuqc mbuo hiuv duqv ninh, dongh heuc mbuo daaih juangc ninh nyei njang-laangc caux ninh longx nyei yietc zungv wuov dauh.

  3. 4 Hnangv naaiv, ninh laengz hlo haic, jaaix haic nyei waac bun mbuo. Meih mbuo ziouc haih kaux naaiv deix laengz nyei waac duqv juangc Tin-Hungh nyei fiem-fingx, yaac haih biaux ndutv baamh gen nyei waaic sic, dongh baamh mienh ei ganh nyei hnyouv hanc zoux nyei waaic sic.

  4. 5 Weic naaiv meih mbuo oix zuqc longc nzengc hnyouv bun meih mbuo nyei sienx fim jaa zoux kuv sic. Zoux kuv sic yaac oix zuqc jaa hiuv duqv Tin-Hungh. 6 Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh.”

  5. 7 Gan longx Tin-Hungh yaac oix zuqc jaa hnamv sienx Yesu nyei gorx-youz. Hnamv sienx Yesu nyei gorx-youz yaac oix zuqc jaa hnamv zuangx mienh. 8 Se gorngv meih mbuo maaih naaiv deix zoux longx nyei sic yaac jaa maaih camv jienv faaux, ziouc bun meih mbuo cuotv banh zeic, maaih lamh longc, yaac gauh hiuv duqv mbuo nyei Ziouv Yesu Giduc.”

  6. 9 Mv baac haaix dauh maiv maaih naaiv deix zoux longx nyei sic nor, wuov dauh se m'zing mbuov, mangc maiv duqv go, yaac la'kuqv ninh zinh ndaangc zoux nyei zuiz duqv nzaaux nzengc mi'aqv. 10 Zuangx gorx-youz aac, weic naaiv meih mbuo oix zuqc jaa jorm hnyouv zoux, bun cing meih mbuo za'gengh zoux Tin-Hungh heuc daaih ginv daaih nyei mienh. Se gorngv meih mbuo hnangv naaiv nor zoux, meih mbuo yietc liuz yaac maiv ndortv.”

  7. 11 Hnangv naaic Tin-Hungh ziouc bun meih mbuo maaih dunh yunh nyei leiz bieqc mbuo Njoux Ziouv Yesu Giduc yietc liuz nyei guoqv. 12 Weic naaiv, maiv gunv meih mbuo zungv hiuv liuz yaac kaux wuonv meih mbuo zipv daaih nyei zien leiz, yie oix zanc-zanc tengx meih mbuo jangx jienv naaiv deix sic. 13 Yie hnamv yie corc ziangh jienv nyei ziangh hoc yie horpc zuqc tengx meih mbuo jangx duqv naaiv deix sic.”

  8. 14 Yie hiuv duqv maiv lauh yie oix zuqc guangc yie naaiv norm haih daic nyei sin, hnangv mbuo nyei Ziouv Yesu Giduc mengh mengh nyei mbuox yie nor. 15 Yie oix longc nzengc qaqv lorz jauv weic bun meih mbuo zuov yie guei seix ziouc zanc-zanc jangx jienv naaiv deix sic.

  9. Biux Mengh Waac J Ih hnoi naaiv douc Ging-Sou se njaaux taux mbuo hnangv haaix nor hlo yiem Tin-Hungh nyei jauv. Ging-Sou gorngv maaih 7 nyungc jauv mbuo qiemx zuqc oix zuqc hlo. Naaiv deix 7 nyungc jauv se benx 7 norm

  10. J 1 . Jaa zoux kuv sic ys.5a

  11. 2 Bide 1:5 “Weic naaiv meih mbuo oix zuqc longc nzengc hnyouv bun meih mbuo nyei sienx fim jaa zoux kuv sic. Zoux kuv sic yaac oix zuqc jaa hiuv duqv Tin-Hungh.”

  12. 1 Bide 2:12 “Meih mbuo yiem maiv sienx nyei mienh mbu'ndongx kungx oix zuqc zoux longx nyei sic hnangv. Hnangv naaic, se gorngv ninh mbuo daanh meih mbuo, gorngv meih mbuo se zoux waaic sic nyei mienh, ninh mbuo haih zieqv duqv meih mbuo zoux nyei kuv sic. Taux Tin-Hungh daaih wuov hnoi, ninh mbuo ziouc ceng Tin-Hungh.”

  13. E^fe^so 4:31 “Oix zuqc guangc im nyei hnyouv, maiv dungx nouz mienh, maiv dungx qiex jiez, maiv dungx nauc-nauc nyei nzaeng jaax, maiv dungx gorngv doqc mienh. Yaac oix zuqc guangc nzengc nyungc-nyungc nzorng mienh nyei sic. 32 Daaux nzuonx, laanh oix zuqc zoux longx bun laanh, laanh korv-lienh laanh, yaac oix zuqc guangc laanh zoux dorngc laanh nyei sic hnangv Tin-Hungh longc Giduc guangc meih mbuo nyei zuiz wuov nor.”

  14. J 2 . Jaa hiuv duqv Tin-Hungh ys.5b

  15. 2 Bide 1:6 “Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh.”

  16. 1 Yo^han 4:7-8 “Hnamv nyei gorx-youz aah! Mbuo oix zuqc laanh hnamv laanh weic zuqc hnamv mienh naaiv nyungc hnyouv se yiem Tin-Hungh daaih. Haaix dauh hnamv mienh, wuov dauh zoux Tin-Hungh nyei naamh nyouz yaac hiuv duqv Tin-Hungh. 8 Haaix dauh maiv hnamv mienh, wuov dauh maiv hiuv duqv Tin-Hungh, weic zuqc Tin-Hungh zoux hnamv mienh nyei gorn.”

  17. J 3 . Jaa haih gunv duqv ganh ys.6a

  18. 2 Bide 1:6 “Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh.”

  19. 1 Bide 1:13-15 “Weic naaiv oix zuqc liuc leiz ziangx hnyouv, gunv jienv ganh, yaac longc nzengc hnyouv hnamv Yesu Giduc aengx daaih wuov zanc ninh oix ceix bun meih mbuo nyei en. 14 Meih mbuo zoux muangx Tin-Hungh nyei waac nyei naamh nyouz. Maiv dungx ei jienv meih mbuo nyei hnyouv hanc zoux, hnangv zinh ndaangc meih mbuo maiv gaengh hiuv nyei ziangh hoc zoux nyei nor. 15 Heuc meih mbuo daaih wuov dauh se cing-nzengc nyei. Yiem meih mbuo zoux nyei nyungc-nyungc sic meih mbuo yaac oix zuqc hnangv ninh nor, cing-nzengc.”

  20. Gaa^laa^tie 5:19-21 “ Mienh ei ganh nyei hnyouv hanc zoux se buatc duqv mengh nyei hnangv naaiv. Zoux buangh liouh nyei sic, zoux maiv cing-nzengc, zoux maiv luonx horngc nyei sic, 20 baaix miuc-fangx, bungx faatv, laanh nzorng laanh benx win-wangv, nzaeng jaax mborqv jaax, mueic jieqv, qiex jiez, nzaeng zoux hlo, bun nqoi zoux ziex guanh, 21 hanc mienh, diuv nquin, gapv zunv zoux waaic sic lo haaix. Naaiv deix waac yie gorngv mbuox jiex meih mbuo nyei, ih zanc yie aengx gorngv nzunc. Haaix dauh zoux naaiv nyungc sic, maiv haih duqv Tin-Hungh zoux Ziouv gunv ninh mbuo. “

  21. J 4 . Jaa maaih noic ys.6c

  22. 2 Bide 1:6 “Hiuv duqv Tin-Hungh yaac oix zuqc jaa haih gunv duqv ganh. Haih gunv duqv ganh yaac oix zuqc jaa maaih noic diev. Maaih noic diev yaac oix zuqc jaa gan longx Tin-Hungh.”

  23. Singx Nzung 37:7 “Oix zuqc yiem ZIOUV nyei nza'hmien sekv-sekv nyei longc noic zuov ninh. Maiv dungx weic ei ganh nyei jauv duqv longx fai ei waaic nyei za'eix zoux wuov deix guaax hnyouv.”

  24. Congh Mengh Waac 29:11 “Mienh hngongx mienh bun ninh nyei ga'qiex baetv cuotv nzengc, mv baac cong-mengh mienh longc noic nyienz jienv.

  25. 1 Ko^lin^to 13:7 “Se gorngv hnamv mienh, ziouc yiem maanc sic haih diev duqv, yiem maanc sic maaih sienx fim, yiem maanc sic maaih lamh hnamv dorngx, yiem maanc sic yaac maaih noic.”

  26. J 5 . Jaa gan longx Tin-Hungh ys.6d

  27. Nzamc Leiz-Latc 8:2 “Meih mbuo oix zuqc jangx jienv yiem wuov deic-bung-huaang naaiv deix feix ziepc hnyangx gu'nyuoz, ZIOUV, meih mbuo nyei Tin-Hungh, hnangv haaix nor dorh meih mbuo, weic bun meih mbuo nyiemc ganh zoux faix, weic seix mangc gaax meih mbuo nyei hnyouv hnangv haaix nor, meih mbuo za'gengh gan longx ninh nyei leiz-latc zeiz fai maiv zeiz.”

  28. Nzamc Leiz-Latc 12:28 “Oix zuqc ziepc zuoqv nyei gan longx yie paaiv bun meih mbuo naaiv deix yietc zungv leiz, meih mbuo caux meih mbuo nyei zeiv-fun cingx daaih yietc liuz duqv longx weic zuqc ei ZIOUV, meih mbuo nyei Tin-Hungh, mangc, meih mbuo zoux duqv longx yaac zoux duqv horpc.”

  29. Nzamc Leiz-Latc 15:4-5 “Se gorngv meih mbuo ei nzengc ZIOUV, meih mbuo nyei Tin-Hungh, nyei waac, longx-longx nyei gan yie ih hnoi jiu bun meih mbuo naaiv deix yietc zungv lingc, yiem meih mbuo mbu'ndongx ziouc maiv maaih mienh jomc mienh, weic zuqc yiem ZIOUV, meih mbuo nyei Tin-Hungh, jiu bun meih mbuo nzipc benx meih mbuo nyei buonc deic-bung, ZIOUV oix camv-camv nyei ceix fuqv bun meih mbuo.”

  30. Nzamc Leiz-Latc 30:16 “Se gorngv meih mbuo ei jienv ZIOUV, meih mbuo nyei Tin-Hungh nyei waac, dongh yie ih hnoi hatc meih mbuo nyei waac, hnamv ZIOUV, meih mbuo nyei Tin-Hungh, yangh ninh nyei doz, gan longx ninh nyei leiz-latc caux lingc caux leiz, meih mbuo ziouc duqv ziangh jienv yaac hiaangx jienv faaux. Meih mbuo duqv bieqc mingh yiem jienv oix benx meih mbuo nyei buonc wuov norm deic-bung wuov zanc, ZIOUV, meih mbuo nyei Tin-Hungh, oix ceix fuqv bun meih mbuo.”

  31. 6. J Jaa hnamv mienh ys.7

  32. 2 Bide 1:7 “Gan longx Tin-Hungh yaac oix zuqc jaa hnamv sienx Yesu nyei gorx-youz. Hnamv sienx Yesu nyei gorx-youz yaac oix zuqc jaa hnamv zuangx mienh.”

  33. Lewi 19:18 "Maiv dungx jaauv siouh fai nipc win ganh nyei gorx-youz, zungv oix zuqc hnamv mienh hnangv hnamv ganh nor. Yie se ZIOUV.”

  34. Yo^han 13:34-35 “Ih zanc yie bun diuh siang-lingc meih mbuo, mbuox meih mbuo laanh oix zuqc hnamv laanh. Yie hnangv haaix nor hnamv meih mbuo, meih mbuo oix zuqc hnangv wuov nor laanh hnamv laanh. 35 Se gorngv meih mbuo laanh hnamv laanh, zuangx mienh ziouc hiuv duqv meih mbuo zoux yie nyei sai-gorx."

  35. Lomaa 13:8 “Cin-maanc maiv dungx qiemx haaix dauh nyei haaix nyungc zaeqv. Kungx oix zuqc maaih nduqc nyungc zaeqv hnangv. Naaiv se laanh oix zuqc hnamv laanh. Haaix dauh hnamv mienh ziouc ei nzengc leiz-latc mi'aqv.”

  36. Lomaa 13:10 “Haaix dauh hnamv mienh, ninh maiv zoux sic hoic mienh. Weic naaiv, haaix dauh hnamv mienh ziouc ei nzengc leiz-latc.”

  37. 7. J Jaa jorm hnyouv ys.10

  38. 2 Bide 1:10 “Zuangx gorx-youz aac, weic naaiv meih mbuo oix zuqc jaa jorm hnyouv zoux, bun cing meih mbuo za'gengh zoux Tin-Hungh heuc daaih ginv daaih nyei mienh. Se gorngv meih mbuo hnangv naaiv nor zoux, meih mbuo yietc liuz yaac maiv ndortv.”

  39. Singx Nzung 119:20 “Yie gengh! jorm hnyouv zanc-zanc jangx meih nyei leiz, taux mba'nziu zungv oix mbaaix nyei.”

  40. Yonaa3:8 “Dauh dauh oix zuqc jorm hnyouv daux gaux jouh Tin-Hungh. Mbuo zoux waaic nyei jauv yietc zungv oix zuqc guangc nzengc.”

  41. Lomaa12:10 “Laanh oix zuqc jorm hnyouv hnamv laanh hnangv hnamv ganh nyei cien muoz-doic nor. Laanh yaac oix zuqc taaih laanh, funx mienh gauh longx ganh.”

  42. Lomaa15:30 “Gorx-youz aac, mbuo sienx Ziouv Yesu Giduc, Singx Lingh yaac bun mbuo hnamv mienh, yie ziouc tov! meih mbuo jorm hnyouv longc qaqv tengx yie daux gaux.”

  43. 1 Ko^lin^to 16:15 “Meih mbuo hiuv duqv Saa^te^faa^natv mbuo yietc biauv mienh yiem Aa^kaa^yaa Saengv sienx Yesu ndaangc. Ninh mbuo gengh jorm hnyouv fu-sux Tin-Hungh nyei mienh.”

  44. Gaa^laa^tie 4:18 “Jorm hnyouv caux mienh zoux longx se horpc nyei, da'faanh zoux weic bun mienh duqv longx. Oix zuqc zanc-zanc zoux, maiv daan yie caux meih mbuo yiem nyei ziangh hoc.”

  45. Hipv^lu 6:11 “Yie mbuo oix meih mbuo mouz laanh fih hnangv nyei jorm hnyouv taux setv mueiz weic bun meih mbuo za'gengh duqv dongh meih mbuo maaih lamh hnamv oix duqv nyei.”

  46. Setv Mueiz Waac 1Bide 4:7-11 7 Maanc muotc nyei setv mueiz hnoi taux fatv aqv. Meih mbuo oix zuqc gunv jienv ganh, ging jienv hnyouv daux gaux “Gauh longc jienv jiex se oix zuqc jorm hnyouv laanh hnamv laanh, weic zuqc laanh hnamv laanh ziouc haih guangc nqoi mienh nyei zuiz camv nyei. 9 Oix zuqc a'hneiv laanh zipv laanh zoux kaeqv, yaac maiv dungx la'ngopv.

  47. 10 Dauh dauh duqv zipv Tin-Hungh nyei zingh nyeic yaac oix zuqc goux longx. Haaix dauh zipv haaix nyungc zingh nyeic oix zuqc longc tengx zuangx mienh. 11 Haaix dauh zunh doz oix zuqc za'gengh douc Tin-Hungh nyei waac. Haaix dauh cuotv fim tengx mienh oix zuqc longc Tin-Hungh bun daaih nyei qaqv fu-sux. Hnangv naaic meih mbuo zoux nyei nyungc-nyungc ziouc bun mienh dengv Yesu Giduc nyei mbuox ceng Tin-Hungh. Yesu Giduc yietc liuz maaih njang-laangc, maaih qaqv taux maanc gouv maanc doic.”

  48. (1) Tin-Hungh oix ceix nyungc-nyungc fuqv bun mbuo yiem mbuo naaiv seix maengc, aengx caux dieh seix maengc (ys.3). God wants to bless us everything we need in this life and the life to come (vs.3). (2) Tin-Hungh ninh laengz naaiv deix hlo haic jaaix haic nyei waac bun mbuo (ys.4). God has given us his very great and precious promises (vs.4).

  49. (3) Weic naaiv mbuo oix zuqc longc mbuo nyei sienx fim zoux kuv sic (ys. 5-6). Because of this, we must, make every effort to do good deeds (vs. 5-6). (4) Mbuo oix zuqc gan longx Tin-Hungh yaac oix zuqc laanh hnamv laanh (ys.7-8). We must be a godliness and brotherly love (vs.7-8).

  50. (5) Mv baac haaix dauh maiv maaih hnyouv zoux kuv sic wuov dauh se dorngx yih m’zing mbuov nyei mienh (ys.9). But if anyone does not have a heart to do good deeds, he is nearsighted and blind (vs. 9). (6) Oix zuqc jorm hnyouv zoux kuv sic bun cing meih mbuo zoux Tin-Hungh ginv daaih nyei mienh (10-11).Therefore, be eager to do a good deed and to make your calling and election sure (vs. 10-11).

More Related