Download
1 / 38
E N D
CH1 ការធ្វើផែនការ(Planning)គឺជានិតិវិធីនៃការសំរេចចិត្តមួយ ដែលផ្តោតការយកចិត្តទុកដាក់លើអនាគតនៃក្រុមហ៊ុនឬមុខជំនួញ ឬរបស់ស្ថាប័នមួយដោយចោទសួរថា តើគោលដៅណាដែលក្រុមហ៊ុនចង់បាន ហើយធ្វើយ៉ាងម៉េចដើម្បីអោយក្រុមហ៊ុន ឬស្ថាប័នទៅដល់គោលដៅ (Target or objective) នោះ។ ការបង្កើតឡើងនូវគោលដៅ ជាកត្តានាំមុខនៃការធ្វើផែនការ និងធ្វើអោយផែនការមានការរីកចំរើនទៅមុខ ។ បើគ្មានគោលដៅទាំងនោះទេ ផែនការនានានឹងមិនអាចធ្វើទៅបានទេ ឬអាចនិយាយបានថា គោលដៅជាកត្តាជំរុញអោយផែនការរបស់ស្ថាប័នមួយមានការវិវត្តន៍ ហើយបើគ្មានការកំណត់គោលដៅច្បាស់លាស់ទេនោះ នាំអោយផែនការគ្មានន័យអ្វីទាំអស់ ។ ការធ្វើផែនការ និងដំណើរការរៀបចំផែនការ Planning and Planning Process
ម្យ៉ាងទៀតគោលដៅជួយក្នុងការកំណត់ទិសដៅ ធ្វើអោយអ្នកដឹកនាំខិតខំប្រឹងប្រែង និងធ្វើការវាយតំលៃលើការវិវត្តន៍។គូរអោយចាប់អារម្មណ៍ផងដែរថា ជួនកាលអ្នកគ្រប់គ្រងបានចំណាយពេលវេលាយ៉ាងច្រើនដើម្បីដាក់ចេញនូវគោលដៅទាំងនេះ ហើយជួនកាលគេបំភ្លេចមិនធ្វើផែនការលំអិតរបស់គេ ដែលបញ្ហានេះនឹងមិនអាចធ្វើអោយគេសំរេចបាននូវគោលដៅដែលគេចង់បាន។ ដូចនេះយើងអាចសន្និដ្ឋានការធ្វើផែនការ គឺជាដំណើរការនៃការសំរេចចិត្តដ៏សំខាន់មួយដែលផ្តោតការយកចិត្តទុកដាក់ទៅលើអនាគតរបស់ក្រុមហ៊ុន ឬស្ថាប័នមួយ។ យើងសង្កេតឃើញថា មានផែនការច្រើនប្រភេទ ហើយដំនើរការនៃការរៀបចំផែនការ វាមានលក្ខណៈស្មុគ្រស្មាញ និងមានលក្ខណៈពិសេសដោយឡែកៗពីគ្នាផងដែរ។
តទៅនេះ យើងនឹងលើកឡើងអំពីប្រភេទនៃផែនការ (Type of plans) ដំ ណើរការក្នុងការរៀបចំផែនការ (Planning Process) ហើយនឹងបែបបទ(Formality) នៃការអនុវត្តន៍ផែនការអោយមានប្រសិទ្ធភាព។ ១-ប្រភេទ និងការកំនត់រយៈពេលនៃផែនការ Type and Timing plans សព្វថ្ងៃនេះ គេសង្កេតឃើញមានក្រុមហ៊ុនមួយចំនួនបានផ្គត់ផ្គង់នូវសេវា ឬផលិតផលតែមួយប្រភេទគត់សំរាប់អាជីវកម្មរបស់ខ្លួន។ ដើម្បីអោយសកម្ម ភាពអាជីវកម្មរបស់ខ្លួនដំណើរការល្អ ក្រុមហ៊ុនតែងតែធ្វើជាប្រចាំនូវផែន ការ ។ ប៉ុន្តែទោះបីជាយ៉ាងណាក៍ដោយ ក៍ក្រុមហ៊ុនទាំងនោះមិនអាចរៀបចំផែនការតែមួយ ដើម្បីគ្រប់គ្រងរាល់សកម្មភាព របស់ក្រុមហ៊ុនបានទេ។
១-១-ប្រភេទនៃផែនការKind of Plans • ដោយផ្នែកទៅលើវិសាលភាព គេបែងចែកផែនការជា ៤ប្រភេទគឺៈ • ការយុទ្ធសាស្រ្ត (Strategic plans) • ផែនការស្នៀត (Tactical plans) • ផែនការប្រតិបត្តិការ (Operation plans) • ផែនផែនការហិរញ្ញវត្ថុ (Financial plans) • ក-ផែនការយុទ្ធសាស្រ្ត(Strategic Plans) • ជាផែនការមួយដែលផ្តោតការយកចិត្តទុកដាក់ជាពិសេសលើអនាគតវែងឆ្ងាយរបស់ក្រុមហ៊ុន ឬស្ថាប័ន រួមបញ្ចូលទាំងបរិស្ថាននៃតំរូវការខាងក្រៅ (Environment of external demands) និងធនធានផ្ទៃក្នុង(Internal Resources) របស់ក្រុមហ៊ុន ឬស្ថាប័ន ដែលដាក់អោយប្រតិបត្តិ ហើយដែលអ្នកគ្រប់គ្រងត្រូវការចាំបាច់ដើម្បីសំរេចបាននូវគោលដៅសំរាប់រយៈពេលវែងរបស់ក្រុមហ៊ុន។
ជាធម្មតាសំរាប់ក្រុមហ៊ុន ផែនការយុទ្ធសាស្រ្តគ្រប់ដណ្តប់ទៅលើទិដ្ឋភាពសំខាន់ៗរបស់ក្រុមហ៊ុន រួមមានផលិតផលរបស់ក្រុមហ៊ុន សេវាកម្ម ហិរញ្ញវត្ថុ បច្ចេកវិវិជ្ជា និងធនធានមនុស្ស។ទោះបីជាពាក្យថា រយៈពេលេវែង គ្មានការកំនត់ច្បាស់លាស់ក៏ដោយ(រឺគ្មាននិយមន័យ)ក៏ផែនការយុទ្ធសាស្ត្រភាគច្រើនបានផ្តោតការយកចិត្តទុកដាក់ទៅលើថាតើធ្វើយ៉ាងដូចម្តេច ដើម្បីសំរេចនូវគោលដៅសំរាប់រយៈពេលពី ៣ ទៅ៥ឆ្នាំខាងមុខ។ ឧទាហរណ៍ បន្ទាប់ពីរដ្ឋមួយឈ្មោះថា SONORA ដែលមានព្រំដែនជាប់នឹងរដ្ឋ ARISONA នៃប្រទេសមិកសិក បានចូលរួមក្នុងកិច្ចព្រមព្រៀងពាណិជ្ជកម្មសេរីអាមេរិកខាងជើង(The North American Free Trade Agreement =NAFTA)គេបានបង្កើតឡើងនូវផែនការយុទ្ធសាស្ត្រមួយ ក្នុងការធ្វើអោយសេដ្ឋកិច្ចរបស់ខ្លួនរស់ឡើងវិញដោយធ្វើការវាយតំលៃទៅលើភាពខ្លាំង(Strengths) និងភាពខ្សោយ (Weaknesses) របស់គេ។
មន្ត្រីរដ្ឋាភិបាលបានសំរេចថា មធ្យោបាយដ៏មានប្រសិទ្ធភាពបំផុតក្នុងការធ្វើអោយសេដ្ឋកិច្ចរបស់គេអោយរស់ឡើងវិញនេះ គឺមានតែការទាញយកផលប្រយោជន៍ពីឆ្នេរសមុទ្រដ៏ល្អប្រណិតរបស់គេ និងជំរុញការទាក់ទាញភ្ញៀវទេសចរណ៍អោយមកទស្សនាកន្លែងនោះ។ ខ-ផែនការស្នៀត (Tactical Plans) គឺជាផែនការដែលធ្វើការបកស្រាយផែនការយុទ្ធសាស្ត្រទៅរកគោលដៅពិសេសដោយឡែកណាមួយរបស់ផ្នែកមួយនៃក្រុមហ៊ុន ឬស្ថាប័ន ។ ផែន ការទាំងនេះ គឺធ្វើឡើងសំរាប់រយៈពេលខ្លី ហើយមានវិសាលភាពមិនទូលំទូ លាយដែលជាធម្មតា វាមានការប៉ះពាល់ទៅលើផ្នែកណាមួយនៃមុខជំនួញរបស់ក្រុមហ៊ុន ឬផ្នែកណាមួយរបស់ស្ថាប័នប៉ុណ្ណោះ។ ទោះបីជាផែនកាស្នៀតទាំនេះត្រូវបានប្រើប្រាស់ដើម្បីបំពេញបន្ថែម
ទៅលើផែនការយុទ្ធសាស្រ្តទាំមូលក៏ផែនការស្នៀតតែងតែមានលក្ខណៈសំរបសំរួលជាមួយនឹងផែនការយុទ្ធស្រ្តផងដែរដែរ ។ យើងត្រឡប់ទៅរកឧទាហរណ៍ខាងលើសារឡើងវិញ ដែលនិយាយអំពីរដ្ឋ ARISONAនៃប្រទេសមិកស៊ិក ហើយដែលក្នុងនោះ មានព្រំដែនមួយផ្នែកនៃរដ្ឋSONORAភាគឥសាននៃឈូងសមុទ្រBAIYដែលមានឆ្នេរសមុទ្រជាប់នឹងក្រុងកំពង់ផែដ៏ស្រស់ស្អាត។ គេសង្គេតឃើញថា ផែនការស្នៀតរបស់ផ្នែកដឹកជញ្ជូន(Transportation department)របស់រដ្ឋនោះ បានអំពាវនាវអោយមានការជួសជុលឡើងវិញនូវផ្លូវថ្នល់ ដែលជាប់ជាមួយព្រំដែនរដ្ឋ ARISONA ទៅឆ្នេរសមុទ្រ ចំនែកឯផែនការស្នៀតរបស់ផ្នែកពាណិជ្ជកម្ម (Business department)បានស្នើរសុំអោយមានអត្រាការប្រាក់ទាបលើកំចីពិសេស ដែលអាចអោយក្រុមហ៊ុននានាមានលទ្ធភាពក្នុងការសាងសង់នូវសណ្ឋាគារ ដែលមានគុណភាពបែបបស្ចឹមប្រទេស នៅជុំវិញតំបន់នៅឆ្នេរសមុទ្រនោះ
ទោះបីជាយើងឃើញថាផែនការស្នៀតរបស់ផ្នែកដឹកជញ្ជួន និងផែនការរបស់ផ្នែកពាណិជ្ជកម្មមានលក្ខណៈខុសគ្នាក៏ដោយ ក៏ផែនការទាំនោះជួយគាំទ្រដល់ផែនការយុទ្ធសាស្រ្តទាំងមូលរបស់រដ្ឋ SONORA ដែរ។ គ-ផែនការប្រតិបត្តិកា(Operation Plans) ជាផែនការមួយដែលធ្វើការបកស្រាយផែនការស្នៀតសំដៅទៅគោល ដៅពិសេសណាមួយរបស់ផ្នែកតូចមួយនៃក្រុមហ៊ុន ឬស្ថាប័នហើយវាជាផែន ការដែលផ្តោតការយកចិត្តលើសកម្មភាពនានា ដែលមានរយៈពេលខ្លីដែលជាធម្មតា ១២ខែ ឬតិចជាងនេះ។ ផែនការទាំងនេះមិនសូវមានលក្ខណៈស្មុគ្រស្មាញដូចផែនការពីរខាងលើទេ ហើយវាកំរមានផលប៉ះពាល់ទៅលើផ្នែក ផ្សេងៗក្រៅពីផ្នែកដែលរៀបចំផែនការនេះណាស់ ។ ឃ-ផែនការហិរញ្ញវត្ថុ(Financial Plans) ផែនការហិរញ្ញវត្ថុ គឺជាផែនការមួយដែលវិភាគ និងកំណត់អំពីប្រភព
និងការប្រើប្រាស់នូវមូលនិធិរបស់ស្ថាប័នមួយ ដោយលើកឡើងអំពីគំរោង លទ្ធផលផ្នែកហិរញ្ញវត្ថុសំរាប់ពេលអនាគតរបស់ស្ថាប័ននោះ។១-២-ការកំណត់រយៈពេលនៃផែនការPlan Timing ដោយផ្អែកទៅលើក្របខ័ណ្ឌនៃពេលវេលា ចំពោះប្រភេទផែនការដែលយើងបានរៀបរាប់ខាងលើអាចជាផែនការរយះពេលខ្លី និងអាចជាផែនការរយះពេលវែង។ -ផែនការសំរាប់រយះពេលវែង (Long-Term Plans)គឺជាផែនការនានាដែលជាទូទៅត្រូវបានរៀបចំឡើងសំរាប់រយះពេលលើសពី បី ឆ្នាំ។ -ផែនការសំរាប់រយះពេលខ្លី (Short-Term Plans) គឺជាផែនការដែលត្រូវបានរៀបចំឡើងសំរាប់រយះពេលតែ១ ឆ្នាំឫ តិចជាងនេះ។ប៉ុន្តែគេសង្កេតឃើញថា ការកំនត់អំពីថេរវេលាសំរាប់ផែនការរយះពេលវែង និងផែនការសំរាប់រយៈពេលខ្លីមានលក្ខណៈខុសគ្នាពីស្ថាប័នមួយ ឫក្រុមហ៊ុនមួយទៅ
ស្ថាប័នមួយ ឫក្រុមហ៊ុនមួយទៀត ដោយគ្មានលក្ខណៈឯកភាពគ្នាទេ ។ ម្យ៉ាងវិញទៀត ដោយយោងទៅលើការប្រើប្រាស់ គេបែងចែកផែនការជាៈ -ផែនការប្រើប្រាស់តែមួយដង(Single-Used Plan) គឺជាផែនការមួយដែលបានធ្វើឡើងដើម្បីប្រើប្រាស់ក្នុងការដោះស្រាយបញ្ហាចំបាច់ពិសេសណាមួយ ដែលកើតឡើងជាយថាហេតុ ។ ឧទាហរណ៏ នៅពេលដែលក្រុមហ៊ុនមួយបានចាប់ផ្តើមបញ្ចុះថ្លៃនូវសេវាអន្តរការី(កំរៃជើងសារៈCommission )ថ្នាក់ដឹកនាំកំពូលរបស់ក្រុមហ៊ុនបានប្រើប្រាស់នូវផែនការសំរាប់ប្រើប្រាស់តែមួយដង ដើម្បីណែនាំអំពីការបង្កើត និងការអនុវត្តនូវគោលនយោបាយសំរាប់ សេវាថ្មីនេះ។ -ផែនការដែលប្រើប្រាស់ជាអចិន្រៃ្តយ៏(Standing Plans) គឺជាផែនការដែលត្រូវអនុវត្តជាបន្តរហូតហើយដែលបង្ហាញនូវសកម្មភាពដែលត្រូវអនុវត្ត
ដដែលៗម្តងហើយម្តងទៀត។ផែនការអចិន្រៃ្តយ៏រួមមានគោលនយោបាយ វិធាន និងនិតិវិធីនានាដែលក្រុមហ៊ុនបានកំនត់។ ២-លំដាប់ថ្នាក់នៃក្រុមហ៊ុន និងលក្ខណៈនៃផែនការ (Corporate Level and Plan Characteristic) ដូចដែលបានបញ្ជាក់ខាងលើរួចមកហើយថា ការធ្វើផែនការគឺទាក់ទងទៅនិងការកំនត់នូវគោលដៅ(Objective setting-up) និងការបង្កើតឡើងនូវយុទ្ធសាស្រ្តទូទៅ(General Strategies) របស់ក្រុមហ៊ុន ឬស្ថាប័នមួយ ។ ការធ្វើផែនការសំរាប់អង្គភាពអាជីវកម្មមួយចំាបាច់ត្រូវសំរបសំរួលជាមួយកំរិត ឬទំហំរបស់ក្រុមហ៊ុនឬស្ថាប័ននោះ។ ២-១-លំដាប់ថ្នាក់នៃក្រុមហ៊ុន(Corporate Level) នៅក្នុងគ្រប់អាជីវកម្មទាំងអស់ គេបានធ្វើការចាត់លំដាប់ថ្នាក់នៃរចនា សម្ព័ន្ធសំខាន់ៗគឺលំដាប់សាជីវាកម្ម (Corporate Level) ដំដាប់ជំនួញ(Busi-ness Level) លំដាប់ប្រតិបត្តិការ(Operation Level)។
ក-លំដាប់សាជីវកម្ម (Corporate Level) មានក្រុមហ៊ុនសាជីវកម្មភាគច្រើន ទោះបីជាមានទំហំតូច ឬធំក៏ដោយ ត្រូវតែមានទីស្នាក់ការធំមួយ(Corporate Headquarter)មួយ។ក៏ប៉ុន្តែក្រុមហ៊ុនដែលមានលក្ខណៈសាំញ៉ាំ និងធំដូចជា ក្រុមហ៊ុន ម៉ុងឬទ្ធីបានធ្វើការបែងចែកនូវមុខជំនួញជាច្រើនផ្នែក ដូចជា សំរាប់ម៉ុង ឬទ្ធី ផ្នែកជំនួញ (Business Group) ទាំងនេះរួមមានដូចជា ក្រុមហ៊ុនសំណង់ ក្រុមហ៊ុននាំចេញនាំចូលជាដើម។ជាធម្មតាលំដាប់សាជីវកម្មរសប់ក្រុមហ៊ុមួយ អ្នកគ្រប់គ្រង(អគ្គនាយក)ជាអ្នកដាក់ចេញនូវផែនការយុទ្ធសាស្ត្រផង និងជាអ្នកសំរេចចុងក្រោយលើផែនការនីមួយៗផងដែរ ។ ខ-លំដាប់ជំនួញ(Business Level) ជូនកាលគេហៅលំដាប់ថ្នាក់នេះថា ជាផ្នែកយុទ្ធសាស្រ្តជំនួញ(Business Strategy Department) ។ ក្នុងលំដាប់ថ្នាក់នេះ អ្នកគ្រប់គ្រងផ្តោតការយកចិត្ត
ទុកដាក់ជាពិសេសក្នុងការកំណត់ ថាតើគេត្រូវធ្វើយ៉ាងដូចម្តេច អោយការប្រកួតប្រជែងនៅលើទីផ្សាមានប្រសិទ្វិភាព ។ ឧទាហរណ៍ ក្រុមហ៊ុនសំណង់ ម៉ុង ឬទ្ធី គឺជាផ្នែកមួយនៃក្រុមហ៊ុនធំ ម៉ុង ឬទ្ធី ។ នៅក្នុងលំដាប់ជំនួញនេះភាគច្រើនគេអនុវត្តនូវផែនការស្នៀត ។ គ-លំដាប់ប្រតិបត្តិកា(Operation Level) នៅលំដាប់ថ្នាក់នេះ អ្នកគ្រប់គ្រងបានផ្តោតការយកចចិត្តទុកដាក់លើ ថាតើគេត្រូវធ្វើដូចម្តេច ដើម្បីអោយពួកគេសំរេចបាននូវផែនការប្រកួតប្រជែងនៅក្នុងមុខជំនួញ។ អ្នកគ្រប់គ្រងទាំងនេះ គឺជាប្រធាននៃផ្នែកនានាដូច ជាផ្នែកហិរញ្ញវត្ថុ ផ្នែកទីផ្សារ ផ្នែកធនធានមនុស្ស ឬផ្នែកផលិតកម្មជាដើម។ ដោយផ្អែកទៅលើរចនាសម្ព័ន្ធនៃលំដាប់ថ្នាក់ជំនួញ អ្នកគ្រប់គ្រងនៅផ្នែកប្រ តិបត្តិការនេះ អាចរាប់បញ្ចូលអ្នកគ្រប់គ្រងដែលទទួលខុសត្រូវលើមុខជំនួញ នៅតាមតំបន់ភូមិសាស្ត្រ(សាខាក្រុមហ៊ុន)នានា ឬអ្នកគ្រប់គ្រងដែលទទួលខុសត្រូវលើផលិតផល ឬសេវាពិសេសណាមួយ។
ការយកចិត្តទុកដាក់ជាសំខាន់ក្នុងការធ្វើផែនការសកម្មភាពរបស់ថ្នាក់ គ្រប់គ្រងលំដាប់ប្រតិបត្តិការ គឺស្ថិតនៅលើថា តើពួកគេអាចគាំទ្រនូវផែនការរបស់អ្នកគ្រប់គ្រងកំរិតជំនួញបានឬទេ។ម្យ៉ាងទៀត លំដាប់ប្រតិបត្តិការនេះជាអ្នកដាក់ចេញនូវផែនការប្រតិបត្តិការ។ ២-២-លក្ខណៈនៃផែនការ Plan Characteristic នៅក្នុងការធ្វើផែនការ គេផ្តោតការយកចិត្តទុកដាក់ទាំងលើគោលដៅចុងក្រោយ ព្រមទាំងមធ្យោបាយសំរាប់ប្រើប្រាស់ (តើនឹងត្រូវវធ្វើយ៉ាងដូចម្តេចដើម្បី សំរេចគោដៅ) ។ ការធ្វើផែនការ អាចមានលក្ខណៈផ្លូវការ (Formal Planning) ឬមិនផ្លូវការ (Informal Planning) ហើយអ្នកគ្រប់គ្រងទាំងអស់សុទ្ធ តែត្រូវមានភារកិច្ចក្នុងការធ្វើផែនការ ប៉ុន្តែអ្វីដែលពូកគេធ្វើនោះ មិនមែនសុទ្ធ តែផ្លូវការទាំងអស់ទេ ។ នៅក្នុងការធ្វើផែនការមិនផ្លូវការ មិនមានទំរង់ជា
លាយល័ក្ខអក្សរ ហើយនៅក្នុងផែនការនោះ មានការចូលរួមតិចតូចបំផុត ឬគ្មានតែម្តងពីសំណាក់បុគ្គលផ្សេងទៀតនៅក្រុមហ៊ុន ឬស្ថាប័ន ។ ការធ្វើផែន ការប្រភេទនេះជានិច្ចកាលគេសង្កេតឃើញមាននៅក្នុងមុខជំនួញតូចៗ ដែលក្នុងនោះអ្នកគ្រប់គ្រង ជាម្ចាស់ជំនួញបានកំណត់នូវចក្ខុវិស័យ(Visions)ថាតើគាត់ចង់អោយមុខជំនួញរបស់គាត់បានដល់ទីណា និងតើត្រូវធ្វើដូចម្តេចដើម្បីទៅដល់ទីនោះ។ការធ្វើផែនការមិនផ្លូវការមានលក្ខណៈមិនទូទៅ ហើយមិនមាននិរន្តភាព។ ទោះបីវាជាលក្ខណៈរួមសំរាប់ក្រុមហ៊ុនតូចៗ ក៏ដោយក៏យើងឃើញថាការធ្វើផែនការមិនផ្លូវការក៏គេសង្កេតឃើញថា មានការធ្វើផែនការដែលមានលក្ខណៈស្មុគ្រស្មាញ។ នៅក្នុងការធ្វើផែនការផ្លូវការ ចំនួននៃគោលដៅជាក់លាក់សំរាប់ប្រតិបត្តិការ ត្រូវបានកំណត់ឡើងសំរាប់ឆ្នាំនីមួយៗ ។ គោលដៅទាំងនេះ ត្រូវបានសរសេរជាលាយល័ក្ខអក្សរនិងមានការចូលរួមពីសំណាក់ថ្នាក់ដឹកនាំ និង
បុគ្គលិកនានារបស់ក្រុមហ៊ុន ឬស្ថាប័ន ។ ជាចុងក្រោយផែនការសកម្មភាព ជាក់លាក់នានាត្រូវបានបង្កើតឡើងដើម្បីសំរេចនូវគោលដៅ។ ៣-ហេតុអ្វីបានជាអ្នកគ្រប់គ្រងត្រូវធ្វើផែនការ?Why do managers Plan? ការកំណត់នូវគោលដៅ ការដាក់ចេញនូវយុទ្ធសាស្រ្តដើម្បីសំរេចនូវគោលដៅនោះហើយ នឹងការបង្កើតឡើងនូវផែនការនានា ដើម្បីបញ្ចូល និងសំរបសំរួលនូវសកម្មភាពនានារបស់ក្រុមហ៊ុន គឺជាការងារមួយមានលក្ខណៈស្មុគស្មាញបំផុត ។ បើវាពិបាកយ៉ាងនេះ ហេតុអ្វីបានជាអ្នកគ្រប់គ្រងចង់ធ្វើផែនការ? តើការធ្វើផែនការមានផលប៉ះពាល់ (Impacts) អ្វីខ្វះដល់ប្រតិបត្តិការ? ៣-១-គោលបំណងនៃកាធ្វើផែនការ (Purposes of Planning) មានយ៉ាងហោចណាស់ហេតុផល ៤យ៉ាងដែលគេចាំបាច់ត្រូវធ្វើផែនការ នោះគឺៈ -ផែនការផ្តល់នូវការតំរង់ទិស(Planning give directions):ការធ្វើផែនការ
ធ្វើអោយមានការខិតខំ ប្រឹងប្រែងស្មើៗគ្នា ព្រមទាំងតំរង់ទិសដល់អ្នកគ្រប់ គ្រងក៏ដូចជាដល់បុគ្គលិកធម្មតានៅក្នុងក្រុមហ៊ុន ឬស្ថាប័នដែរ ។ តាមរយៈផែនការនិយោជិកដឹងច្បាស់ថា ក្រុមហ៊ុនស្ថាប័ន ឬការងារ នៅផ្នែករបស់ខ្លួននឹងត្រូវធ្វើដំណើរឆ្ពោះទៅទីណានិងដឹងថាអ្វីខ្លះ ដែលពួកគេត្រូវធ្វើ ដើម្បីសំរេចនូវគោលដៅទាំងនេះ។ ការណ៍នេះធ្វើអោយពួកគេអាចសំរបសំរួល អាចធ្វើសហប្រតិបត្តិការជាមួយគ្នាទៅវិញទៅមក និងធ្វើអ្វីៗដើម្បីសំ រេចគោលដៅនោះ។ បើគ្មានការរៀបចំផែនការទេផ្នែកនានា និងបុគ្គលិករបស់ស្ថាប័ន ឬក្រុមហ៊ុនអាចធ្វើការដោយមានការខ្វែងគំនិតគ្នា (Conflicts)ហើយនេះគឺជាឧបសគ្គមួយ ដែលធ្វើអោយក្រុមហ៊ុន ឬស្ថាប័នមិនអាចសំរេចដល់គោលដៅប្រកបដោយប្រសិទ្ធភាព។ -កាត់បន្ថយផលប៉ះពាល់នៃការប្រែប្រួលនានា(Reduces of impact of changes):ដូចគ្នានេះដែរការធ្វើផែនការអាចកាត់បន្ថយនូវភាពមិនប្រាកដ
ប្រជា(uncertainties)ដោយតំរូវអោយអ្នកគ្រប់គ្រងប្រមើលមើលទៅអនាគតប្រជា(uncertainties)ដោយតំរូវអោយអ្នកគ្រប់គ្រងប្រមើលមើលទៅអនាគត ដោយគិតទុកជាមុននូវការប្រែប្រូលនានាដែលអាចកើតមាន ពិចារណាទៅលើផលប៉ះពាល់ទាំងនោះ និងដាក់ចេញនូវការឆ្លើយតប (Response) មួយដ៏សមស្រប ។ ម្យ៉ាងទៀត ការធ្វើផែនការបញ្ជាក់ច្បាស់អំពីផលលំបាកនៃសកម្មភាពនានា (Consequences of actions) ដែលអ្នកគ្រប់គ្រងបានប្រើប្រាស់ដើម្បីឆ្លើយតបទៅនឹងការប្រែប្រួលទាំងនេះ ។ ទោះបីជាការធ្វើផែនការមិនបាន ផ្តោតការយកចិត្តទុកដាក់ជាពិសេសលើការប្រែប្រូលក៏ដោយ ក៏អ្នកគ្រប់គ្រងត្រូវធ្វើផែនការ ដើម្បីគ្រោងទុកជាមុននូវការប្រែប្រូល និងដាក់ចេញនូវការឆ្លើយតបប្រកបដោយប្រសិទ្ធិភាពបំផុតចំពោះការប្រែប្រូលទាំងនោះ។ កាត់បន្ថយនូវការខ្ជះខ្ជាយ និងភាពលើស(Minimize waste & redundancy):បន្ថែមលើសពីនេះទៀត ការធ្វើផែនការអាចកាត់បន្ថយនូវសកម្មភាពត្រូតគា្នឥតប្រយោជន៍(Useless Activities)។ នៅពលេដែលសកម្មភាពការងារ
សំរបសំរួលជាមួយនឹង ផែនការដែលបានបង្កើតឡើងនោះ ពេលវេលា និងធនធានអត់ប្រយោជន៍នានា ត្រូវបានកាត់បន្ថយអោយឋិតនៅក្នុងកំរិតមួយអប្បបរិមា ។ ម្យ៉ាងទៀតនៅពេលដែលមធ្យោបាយ និងគោលដៅត្រូវបានកំណត់ច្បាស់លាស់តាមរយៈការធ្វើផែនការ នាំអោយយើងអាចដឹងច្បាស់អំពីប្រសិទ្ធិភាពនានា ហើយអប្រសិទ្ធិភាព(Inefficiencies)ទាំងនោះអាចត្រូវបានកែតំរូវ ឬលប់ចោលតែម្តង។ -បង្កើតស្តង់ដាប្រើប្រាស់ក្នុងការត្រួតពិនិត្យ (Set the standards used in controlling):ចុងបញ្ចប់ការធ្វើផែនការ ត្រូវបង្កើតឡើងនូវគោលដៅ ឬស្តង់ដានានាដែលនឹងត្រូវបានប្រើប្រាស់ក្នុងការត្រូតពិនិត្យ។ប្រសិនបើយើងច្បាស់ក្នុងចិត្តនូវអ្វីដែលកំពុងតែព្យាយាមធ្វើនោះ យើងអាចកំណត់បានថា តើយើងសំរេចបាននូវគោលដៅទាំងនោះយ៉ាងដូចម្តេច? នៅក្នុងការធ្វើផែនការគេបានដាក់ចេញនូវគោលដៅ និងផែនការនានា។ដូចនេះតាមរយៈការត្រូតពិនិត្យ
យើងអាចធ្វើការប្រៀបធៀបនូវលទ្ធផល ដែលទទួលបានជាក់ស្តែងជាមួយនឹងគោដៅដែលបានដាក់ចេញ អាចអោយយើងកំណត់ច្បាស់នូវគំលាតធំៗ(Deviations)នានានិងដាក់ចេញនូវការកែប្រែ (Corrective Actions) ចាំបាច់មួយចំនួន។បើគ្មានការធ្វើផែនការ ប្រាកដជាគ្មានមធ្យោបាយណាមួយដើម្បីធ្វើកាត្រួតពិនិត្យទេ។ ៣-២-ការធ្វើផែនការ និងប្រសិទ្ធភាពជាក់ស្តែង (Planning and Actual Perfor-mance) តើផែនការមានប្រយោជន៍ឬទេ? តើពេលផែនការដែលបានដាក់ចេញហើយ អ្នកគ្រប់គ្រងនានាត្រូវយកមកប្រតិបត្តិឬទេ?ឆ្លងតាមការសិក្សាទៅលើកិច្ចប្រតិបត្តិការផែនការរបស់ក្រុមហ៊ុន បង្ហាញអោយឃើញថាពេលខ្លះមានលក្ខណៈវិជ្ជមាន(ត្រូវបានអនុវត្ត)ហើយពេលខ្លះផែនការមិនត្រូវបានអនុវត្តដោយពេញលេញទេ។
មានការសិក្សាជាច្រើនត្រូវបានចាត់អោយមានឡើង ដើម្បីពិនិត្យមើលនូវទំនាក់ទំនងរវាងការដាក់ចេញផែនការ និងកិច្ចប្រតិបត្តការផែនការ។ដោយឈរលើមូលដ្ឋាននៃការសិក្សាស្រាវជ្រាវនេះយើងអាចទាញចេញនូវការសន្និដ្ឋានដូចតទៅៈ • មានពេលខ្លះការប្រតិបត្តិ មិនអាចធ្វើតាមផែនការដែលបានដាក់ចេញទេ។បញ្ហានេះបណ្តាលមកពីកត្តាខាងក្រៅ(External factors) ច្រើនជាងកត្តាខាងក្នុង(Internal factors) ដូចជាការផ្លាស់ប្តូរបរិស្ថានផ្នែកច្បាប់ និងនយោបាយរបស់ប្រទេស(Country’s legal and political environment changes) ឥទ្ធិពលរបស់សហជីពការងាដែលមានឥទ្ធិពល (Powerful labor unions) និងកំលាំងបរិស្ថានជំនួញ (Force of business environment)ផ្សេងៗទៀតដែលដាក់កំរិតដលជំរើសរបស់អ្នកគ្រប់គ្រង ហើយនឹងធ្វើអោយប៉ះពាល់ដល់ប្រតិ • បត្តិការរបស់ក្រុមហ៊ុន ដែលកំណត់ក្នុងផែនការដែលបានធ្វើឡើង។
ជួនកាលទំនាក់ទំនងរវាងផែនការ និងប្រតិបត្តិការអាចទទួលឥទ្ធិពលពីការ គ្រោងពេលវេលានៃផែនការ។បានន័យថា មានផែនការខ្លះត្រូវការពេលវេលាវែងដើម្បីសំរេចបាន(ផែនការរយៈពេលវែង)។ដូច្នេះប្រតិបត្តិការសម្មភាពត្រូវ ធ្វើតាមដំណាក់កាលនានា ដែលបានកំណត់ក្នុងផែនការ។ • ពេលខ្លះកិច្ចប្រតិបត្តិការទទួលបាននូវលទ្ធផលលើសពីគោលដៅ ដែលមានចែងនៅក្នុងផែនការ។ • ៤-កិច្ចដំណើរការនៃការធ្វើផែនការ (Planning Process) • ក្នុងការរៀបចំផែនការ គឺប្រព្រឹត្តទៅដោយផ្អែកទៅលើធាតុផ្សំជាគន្លឹះ ៧ • ចំនុចៈ • ៤-១-ការវិភាគទៅលើបរិស្ថាន Analyzing Environment • ធាតុផ្សំធំមួយនៃដំនើរការនៃការរៀបចំផែនការ គឺការវាយតំលៃទៅលើ បរិស្ថានជុំវិញនូវក្នុងមុខជំនួញ (Business Environment) ។ ការរៀបចំ និង
និងការអនុវត្តន៍ផែនការ ដោយមិនបានយកចតិ្តទុកដាក់ធ្វើការវាយតំលៃទៅលើបរិស្ថានទេនោះ អាចអោយក្រុមហ៊ុនសំរេចបាននូវលទ្ធផលដែលចង់បាននោះទាបបំផុត ។ នៅក្នុងការវិភាគទៅលើបរិស្ថាន សកម្មភាពដែលត្រូវយកចិត្តទុកដាក់នោះគឺៈ ការព្យាករណ៍ (Forecasting) ការកំណត់អំពីភាពមិនប្រា កដប្រជានៃផ្នែកបរិស្ថាន(Environmental Uncertainty) -ការព្យាករណ៍ Forecasting ឧទាហរណ៍មួយក្នុងចំនោមឧទាហរណ៍សំខាន់ៗជាច្រើន ដែលអ្នកគ្រប់ គ្រងប្រើប្រាស់ក្នុងការវាយតំលៃ(Assessment)ទៅលើបរិស្ថាន គឺព្យាករណ៍។ ការព្យាករណ៍ គឺជាការទស្សន៍ទាយនូវហេតុការណ៍នានាដែលអ្នកគ្រប់គ្រងមានការជឿជាក់ថា វានឹងកើតមានឡើងដែលអាចបង្កអោយមានផលប៉ះ ពាល់ដល់ក្រុមហ៊ុន ឬការទទួលខុសត្រូវរបស់ខ្លួន។ឧទាហរណ៍ប្រសិនបើអ្នកបើកក្រុមហ៊ុនសាងសង់លំនៅដ្ឋាន បានធ្វើការព្យាករណ៍លើអត្រាការប្រាក់
អត្រាការប្រាក់(Forecasting on interest rates)មានសារៈសំខាន់ចំពោះអ្នក។ -ភាពមិនប្រាកដប្រជានៃបរិស្ថានEnvironment Uncertainty ទំហំនៃភាពមិនប្រាកដប្រជានៅក្នុងបរិស្ថានជំនួញ មានផលប៉ះពាល់ទៅនឹងអត្ថប្រយោជន៍(Utility)នៃការព្យាករណ៍ និងប៉ះពាល់ទៅដល់ការវាយតំលៃទៅលើបរិស្ថាន។ភាពមិនប្រាកដប្រជាផ្នែកបរិស្ថានជំនួញា អាចបណ្តាលមក ពីកត្តាជាច្រើន ។ ឧទាហរណ៍ដូចជា អាចធ្វើអោយមានការប្រែប្រួលជាគន្លឹះមួយចំនួនដែលប៉ះពាលដល់មុខជំនួញរបស់អ្នក ហើយការប្រែប្រួលនោះយើងមិនអាចដឹងមុនបានទេ ។ ការនាំចេញរបស់អ្នកអាចទទួលឥទ្ធិពលពីការប្រែប្រួលនៃអត្រាប្តូរប្រាក់ ។ បញ្ហាសំខាន់សំរាប់អ្នកគ្រប់គ្រង និងផែនការសកម្មភាព (Action Plans)របស់ក្រុមហ៊ុន គឺថានៅពេលដែលមានភាពមិនប្រាកដប្រជាផ្នែកបរិស្ថាន កាន់តែធំ តំរូវអោយផែនការបស់គេមានភាពទន់ភ្លន់(Flexible) ដោយអាចធ្វើ
ធ្វើការបត់បែនតាមការប្រែប្រួលនៃបរិស្ថានទាំងនោះ ។ ក្នុងករណីខ្លះអ្នកគ្រប់គ្រងអាចរៀបចំនូវផែនការសំរាប់ប្រើប្រាស់នៅគ្រាអាសន្ន(Contingency Plans)។ ៤-២-ការកំណត់គោលដៅ Setting Objectives ធាតុផ្សំទីពីរ នៅក្នុងដំណើរការៀបចំផែនការ គឺការកំនត់នូវគោលដៅ ឬក៏អាចហៅម្យ៉ាងទៀតថាលទ្ធផលចុងក្រោយ(Desired outcomes) ដែលគេចង់បានសំរាប់ក្រុមហ៊ុន ឬស្ថាប័នទាំងមូល សំរាប់ផ្នែកដោយឡែកណាមួយ ឬអនុវត្តនូវសកម្មភាពពិសេសនានា ដោយគ្មានការគិតគូរ ថាតើដំណាក់កាលនីមួយៗនៃសកម្មភាពនោះមានគោលដៅឆ្ពោះទៅណា ឬដោយមិនបានគិតគូរថា តើគេរំពឹងទុកថានឹងទទួលបាននូវអ្វីមួយដែលកើតឡើង ។
៤-៣-តំរូវការកត្តាផលិតកម្ម Input Demand Factors ធាតុផ្សំទី៣ នៅក្នុងដំនើរការនៃការរៀបចំផែនការ គឺជាការកំនត់នូវសេចក្តីត្រូវការនានា ជាពិសេសអ្នកគ្រប់គ្រងត្រូវលើកឡើងនូវសំនួរថា តើយើងធ្វើអ្វីខ្លះដើម្បីអោយយើងអាចចេញពីទីនេះទៅដល់ទីនោះបាន? ។ ពាក្យថា ទីនោះ “There”គឺសំដៅដល់គោលដៅនានា ដែលយើងបានពិភាក្សារពីមុនរួចមកហើយ ។ ពាក្យថាទីនេះ “Here”តំរូវអោយធ្វើការវាយតំលៃ ឬយល់ដឹងអោយបានច្បាស់ ថាតើសព្វថ្ងៃក្រុមហ៊ុនរបស់យើងស្ថិតនៅត្រង់ណា។ ដើម្បីចាប់ផ្តើមនូវដំនើរការរៀបចំផែនការ ជាបឋមអ្នកត្រូវតែយល់អោយ បានច្បាស់អំពីកត្តាដឹកនាំជាគន្លឹះ(Key drivers) នានា ។ ឧទហរណ៍សន្មតថាអ្នកបើកសិប្បកម្មផលិតស្បែកជើងហើយគោលដៅរបស់អ្នកគឺបង្កើននូវទំហំនៃទីផ្សារ ដោយចង់គ្រប់គ្រងទីផ្សារពី១០ ទៅ១៥ ភាគរយនៃទីផ្សារស្បែក ជើងទាំងមូល ។ តើអ្វីដែលជាកត្តានាំមុខដើម្បីដណ្តើមទីផ្សារបាន? ។ អ្នកអាចត្រូវការធ្វើការពង្រីកនូវប្រភេទផលិតផលស្បែកជើងរបស់អ្នក ។
ជាលទ្ធផល អ្នកកំណត់ថា តំរូវការមួយនៅក្នុងតំរូវការដទៃៗទៀត គឺការបង្កើតឡើងនូវប្រភេទស្បែកជើងដែលល្អបំផុតនៅលើទីផ្សារនោះ ពេលដែល ទីនោះនៅមិនទាន់មានគេផលិតនៅឡើយទេ ។ ដើម្បីពង្រីកនូវទីផ្សារស្បែក ជើងរត់ប្រណាំង(Running Shoes)នេះ អ្នកអាចកំណត់ថាបច្ចេកវិទ្យាក្នុងការធ្វើទ្រនាប់ស្បែកជើងនោះគឺជាកត្តានាំមុខ (Key Driver) មួយក្នុងចំនោមកត្តាផ្សេងៗទៀត។ ម្យ៉ាងទៀតអ្នកអាចកំណត់ថា អ្នកប្រើប្រាស់ទិញស្បែកជើងរត់ប្រណាំងគឺដោយសាពេលគេពាក់វារត់ វាមិនសូវឈឺជើង ជាលទ្ធផល អ្នកក៏អាចកំណត់ផងដែរថានឹងជ្រើសរើសយកការផលិតស្បែកជើងរត់ប្រណាំងដោយប្រើបច្ចេកវិទ្យាថ្មីដើម្បីផលិតទ្រនាប់ស្បែកជើង។ចំនុចសំខាន់គឺត្រង់ថាការបញ្ជាក់នូវសេចក្តីត្រូវការចំបងនានាគឺប្រហែលកើតចេញពីការកំណត់អំពីកត្តាគន្លឹះនៃគោលដៅរបស់ក្រុមហ៊ុន។
៤-៤-ការវាយតំលៃទៅលើធនធានរបស់ក្រុមហ៊ុន Assessing Resources ធាតុផ្សំទីបួននៅក្នុងដំនើរការនៃការរៀបចំផែនការ គឺការវាយតំលៃទៅលើធនធានដែលគេត្រូវការ (Required Resources) និងលើធនធានទំនេរ(Available Resources) ដែលក្រុមហ៊ុនមាន។ធាតុផ្សំនេះ មានទំនាក់ទំនងយ៉ាងជិតស្និទ្ធទៅនឹងការបញ្ជាក់នូវតំរូវការនានា។ប៉ុន្តែការបញ្ជាក់តំរូវការ និងការវាយតំលៃទៅលើធនធាន មិនមែនដូចគ្នាទេ។មធ្យោបាយដែលងាយស្រួលបំផុត ក្នុងការបែងចែកអោយដាច់ពីគ្នា គឺដោយគិតថាតំរូវការ ជាអ្វីដែលចាំបាច់ដើម្បីសំរេចនូវគោដៅ ហើយត្រូវមានប្រភេទធនធានប៉ុណ្ណា ដើម្បីសំរេចគោលដៅនោះ។ -អំពីធនធានដែលត្រូវការចាំបាច់ Resources Required យើងលើកយកឧទាហរណ៍ ដែលបាននិយាយអំពីកាផលិតស្បែកជើងរត់ប្រណាំងនិងពិនិត្យទៅលើតំរូវការជាគន្លឹះ ក្នុងកាផលិតស្បែកជើងម៉ូតថ្មីបំផុត
នៅលើទីផ្សារ។ ទាក់ទងនឹងតំរូវការគន្លឹះនេះ សំនួរដែលចោទឡើងសំខាន់ដំ បូងនោះគឺតើធនធានអ្វីខ្លះដែលគេត្រូវការដើម្បីផលិតនូវផលិតផលថ្មីនេះ?សន្មត់ថាអ្នកបានកំណត់ថានឹងជួលវិស្វករកំពូលៗ៣រូប ដើម្បីធ្វើការតុបតែងនូវផលិតផលសំរាប់រយៈពេលពីរខែ និងកំណត់នូវថវិការចំនួន SUD100,000ដើម្បីផលិតផលគំរូដើម។ បន្ថែមលើនេះទៀត អ្នកកំណត់ថា នឹងបន្ថែមនូវសំភារៈបរិក្ខាថ្មីក្នុងតំលៃ $50,000ដើម្បីផលិតស្បែកជើងប្រភេទថ្មីនេះ។ចុងក្រោយបំផុតអ្នកកំនត់ថានឹងដាក់ចេញនូវថវិកាសំរាប់ធ្វើការឃោសនា និងការផ្សាយណាណិជ្ជកម្មចំ នួន$20,000 ដើម្បីផ្សព្វផ្សាយនូវផលិតផលថ្មីនេះអោយមានប្រសិទ្ធិភាព ។ ករណីនេះ គេមិនបានប្រមូលយកនូវធនធានទាំងអស់ ដែលក្រុមហ៊ុនត្រូវការដើម្បីតុបតែងផលិតផល និងលក់នូវផលិតផលថ្មីនេះទេក៏ប៉ុន្តែគេគ្រាន់តែដាក់ចេញនូវធនធានផ្នែកហិរញ្ញវត្ថុ (Financials Resources) ធនធានមនុស្ស
Human Resources) បរិក្ខារ (Equipment) និងបច្ចេកវិទ្យា (Technology) ដែលត្រូវការប៉ុណ្ណោះ -ធនធានទំនេរ(ដែលអាចប្រើប្រាស់បាន) Available Resources ការយល់ដឹងច្បាស់អំពីប្រភពធនធានដែលត្រូវការនាំអោយយើងអាចធ្វើការវាយតំលៃថា តើធនធានអ្វីខ្លះទៀតដែលអាចយកមកប្រើប្រាស់នបាន?។វាច្បាស់ណាស់ហើយថា ដើម្បីអោយផែនការមួយមានប្រសិទ្ធភាពវាមិនត្រឹមតែជាការរៀបចំផែនការល្អទេ ប៉ុន្តែត្រូវតែជាផែនការមួយដែលអាចអនុវត្តបានស្រួលទៀតផង ។ ប្រសិនបើធនធានត្រូវការមានទំហំច្រើនជាងធនធានទំនេរ ទាំងធនធានថ្មី ដែលចំាបាច់ត្រូវតែទទួលបាន និងទាំងផែនការត្រូវតែធ្វើការផ្លាស់ប្តូរ ។ ការផ្លាស់ប្តូរផែនការតំរូវអោយមានការផ្លាស់ប្តូរគោដៅ ។
៤-៥-ការបង្កើតផែនការសកម្មភាពDeveloping Action Plans ធាតុផ្សំទី៥នៃដំនើរការធ្វើផែនការ គឺការបង្កើតនូវសកម្មភាពពិសេសរបស់ផែនកា ។ ផែនកាសកម្មភាព គឺជាការរៀបតាមលំដាប់នូវសកម្មភាពនា នាដែលត្រូវអនុវត្តដើម្បីបំពេញនូវគោលដៅដែលបានបង្កើតឡើង។ -ការរៀបផែនការសកម្មភាពតាមលំដាប់ និងការកំណត់ពេលវេលា Sequence and Timing ធាតុសំខាន់មួយក្នុងចំណោមធាតុសំខាន់ផ្សេៗទៀត សំរាប់ធ្វើអោយផែន ការសកម្មភាពមានប្រសិទ្ធិភាពនោះគឺ ការរៀបតាមលំដាប់នូវសកម្មភាព និងការកំនត់ពេលវេលាច្បាស់លាស់សំរាប់ដំណាក់កាលមួយៗនៃសកម្មភាពដែលមានក្នុងផែនការ។ ឧទាហរណ៍ជារួមមួយ ក្នុងចំណោមឧបករណ៍ដ៏ទៃទៀត ដែលគេប្រើប្រាស់ក្នុងការរៀបចំផែនកាសកម្មភាព គឺការរៀបចំតាមលំដាប់លំដោយរវាងសកម្មភាព និងពេលវេលា។
-ការទទួលខុសត្រូវ Accountability កត្តាគន្លឹះទី២នៃផែនការសកម្មភាពដែលមានប្រសិទ្ធិភាព គឺការកំណត់ថាតើអ្នកណាជាអ្នកទទួលខុសត្រូវលើសកម្មភាពនីមួយៗ។ ការដឹងច្បាស់អំពីអ្នកទទួលខុសត្រូវលើកិច្ចការនីមួយៗ នាំអោយយើងអាចសម្របសម្រួលរវាងសកម្មភាពរបស់បុគ្គលិកផ្សេងៗ ដែលទទួលបន្ទុកលើផែនការទាំងមូល។ ៤-៦-ការអនុវត្តផែនការ Implementing Plans ដរាបណាផែនការសកម្មភាពត្រូវបានបង្កើតឡើងហើយវាត្រូវតែយកទៅអនុវត្ត ។ ទំហំនៃការអនុវត្តអាចមានផលប៉ះពាល់លើលទ្ធផលជាក់ស្តែង ច្រើនប៉ុន្តែជ័យជំនេះ ភាគច្រើននៃការអនុវត្តផែនការអាចត្រូវបានធានា ដោយអនុវត្តបានល្អនូវដំណាក់កាលនានា ដែលយើងបានពិពណ៌នាខាងលើក្នុងដំណើរ ការនៃការធ្វើផែនការ ។ មានផែនការជាច្រើន តែងតែមានការខកខានក្នុងដំណាក់កាលនៃការអនុវត្តពីព្រោះដោយសារការវាយតំលៃតំលៃលើ
ធនធានមិនបានគ្រប់គ្រាន់ (Inadequate assessment of resources) ទាំងធនធានដែលត្រូវការចាំបាច់ (Required Resources) ទាំងធនធានទំនេរ(Available Resources) ។ ៤-៧-ការតាមដានត្រួតពិនិត្យលើលទ្ធផល Monitoring Outcomes ធាតុផ្សំចុងក្រោយ ក្នុងការដំណើរការរៀបចំផែនការ គឺការតាមដានត្រូតពិនិត្យលើលទ្ធផល(Outcomes) ។ ប្រសិនបើគោលដៅត្រូវបានកំណត់យ៉ាងច្បាស់តាំងពីការរៀបចំផែនការពីដើមដំបូងមក វាអាចមានបញ្ហាបន្តិចបន្តួចដែលកើតឡើងត្រង់ថា តើទិន្នផលអ្វីខ្លះដែលត្រូវធ្វើការតាមដានត្រូតពិនិត្យ ឬក៏តើវាអាចធ្វើការវាស់វែងបានយ៉ាងដូចម្តេច។ប្រសិនបើផែនការត្រូវ បានរំពឹងទុកថាលទ្ធផលនឹងត្រូវបានបញ្ជាក់ដោយកំនើនហិរញ្ញវត្ថុ (Financial Growth) របស់ក្រុមហ៊ុនហើយវាអាចត្រូវបានវាស់វែងដោយផ្អែកលើការកើន ឡើងផ្នែកលក់ ដូច្នេះទិន្នផលដែលត្រូវធ្វើការតាមដាននិងត្រូតពិនិត្យត្យមានលក្ខណៈច្បាស់លាស់។
គេសន្មតថា ទាល់តែមានថវិកាគ្រប់គ្រាន់ទើបធានាការអនុវត្តផែនការដែលយើងបានធ្វើទាំងប៉ុន្មាន ។ យើងនឹងសិក្សាលើវិធីសាស្ត្របង្កើតនូវគំរោងថវិការ ដែលមានសារៈសំខាន់ចំពោះក្រុមហ៊ុន សាជីវកម្ម សគ្រាស កសិដ្ឋាន ឬជំនួញខ្នាតូច នៅក្នុងមេរោនបន្តបន្ទាប់ខាងមុខទៀត ។
Thanks for Your Pay Attention Please Raise Your Questions and Commons
សំណួរពិភាក្សា ១ តើអ្វីទៅជាផែនការ? ២ តើផែនការមានប៉ុន្មានប្រភេទ? ចូររៀបរាប់ ៣ តើលំដាប់នៃក្រុមហ៊ុនអ្វីខ្លះ? ចូរពន្យល់ ៤ ចូរពន្យល់ពីគោលបំណងនៃការធ្វើផែនការ ៥ ហេតុអ្វីបានជាអ្នកគ្រប់គ្រងត្រូវធ្វើផែនការ? ចូរពន្យល់ ៦ ចូរពិពណនាអំពីកិច្ចដំណើរការនៃការធ្វើផែនការ ៧ តើកិច្ចដំណើរការនៃការធ្វើផែនការមានចំណុចសំខាន់ៗប៉ុន្មានយ៉ាង? តើវាមានអ្វីខ្លះ?
សំណួរពិភាក្សា ១ តើអ្វីទៅជាផែនការ? ២ តើផែនការមានប៉ុន្មានប្រភេទ? ចូររៀបរាប់ ៣ តើលំដាប់នៃក្រុមហ៊ុនអ្វីខ្លះ? ចូរពន្យល់ ៤ ចូរពន្យល់ពីគោលបំណងនៃការធ្វើផែនការ ៥ ហេតុអ្វីបានជាអ្នកគ្រប់គ្រងត្រូវធ្វើផែនការ? ចូរពន្យល់ ៦ ចូរពិពណនាអំពីកិច្ចដំណើរការនៃការធ្វើផែនការ ៧តើកិច្ចដំណើរការនៃការធ្វើផែនការមានចំណុចសំខាន់ៗប៉ុន្មានយ៉ាង? តើវាមានអ្វីខ្លះ? ១ ហេតុអ្វីចាំបាច់បង្កើតនូវផែនការថវិកា?(២) ២ តើការព្យាករណ៍នៃការលក់ជាប់ពាក់ព័ន្ធនឹងកត្តាអ្វីខ្លះ? ចូរពន្យល់ ៣ ចូរពន្យល់ពីនិតិវិធីនៃការធ្វើតផែនការ និងការត្រួពិនិត្យ
សំណួរពិភាក្សា៣ ១ តើអ្វីទៅជាគំរោងថវិកាមេ? ពន្យល់ ។ តើវាមានសមាសភាពអ្វីខ្លះ? ២ តើគំរោងថវិកាប្រតិបត្តិការមានអ្វីខ្លះ? ចូររៀបរាប់ ៣ តើគំរោងថវិកាថិរញ្ញវត្ថុមានអ្វីខ្លះ? ចូររៀបរាប់ ១ ចូរពន្យល់ពីគំរោងថវិកាស្តាទិច (៥) ២ តើអ្វីទៅជាគំរោងថវិការប្រែប្រួល ៣ ហេតុអ្វីបានជាគេត្រូវការគំរោងថវិកាប់តបែន? ចូរពន្យល់ ៤ តើការអនុវត្តន៍ជាក់ស្តែងគំរោងថវិកាបត់បែនមានជំហានអ្វីខ្លះ? ចូរពន្យល់ ៥ ចូរពន្យល់អំពីរបាយការថវិកាបត់បែន ១ តើអ្វីទៅជាព័តមានហិរញ្ញវត្ថុ? ចូរពន្យល់ពីការធ្វើសេចក្តីសំរេចចិត្ត ៦ ២ ចូររៀបរាប់ពន្យល់ពីដំណើរការវិភាគភាពខុសគ្នានៃហិរញ្ញវត្ថុ ៣ តើការវិភាគភាពខុសគ្នាមានអ្វីខ្លះ? រៀបរាប់
