Pulong sa Kinabuhi

1. Pulong sa Kinabuhi Agosto 2012

2. “Ang moangkon atubangan sa mga tawo nga siya akoa, angkonon ko usab atubangan sa akong Amahan didto sa langit. Apan ang dili moangkon nga siya akoa, dili ko usab angkonon atubangan sa akong Amahan didto sa langit.” (Mt. 10: 32-33)

3. Mga pulong nga naghatag ug dakong kahupay ug kadasig sa mga Kristyanos.

4. Gi-awhag kita ni Jesus sa pagpuyo’g tim-os ug usa ka maunongong pagtoo Kaniya, tungod kay unsa man gani ang atong binuhatan dinhi sa kalibutan diha mag-agad ang atong kapalaran sa kinabuhing tunhay

5. Kon giila nato Siya, matud pa ni Jesus, atubangan sa mga tawo, nan, may katarungan nga ilhon ta Niya atubangan sa Amahan; hinuon, kon wala kita moila Kaniya atubangan sa katawhan, magdumili usab Siya pag-ila kanato atubangan sa Amahan.

6. “Ang moangkon atubangan sa mga tawo nga siya akoa, angkonon ko usab atubangan sa akong Amahan didto sa langit. Apan ang dili moangkon nga siya akoa, dili ko usab angkonon atubangan sa akong Amahan didto sa langit.”

7. Nagpasidaan si Jesus sa ganti o sa silot nga nagpaabot kanato inigkatapos ning atong kinabuhi kay gihigugma man kita Niya. Sumala pa sa usa ka Amahan sa Simbahan, nahibalo si Jesus nga usahay ang kahadlok sa silot mas epektibo pa kay sa usa ka maanindot nga saad.

8. Mao nga giamuma niya ang atong paglaum sa way kataposang kalipay, uban sa pagpukaw sa kahadlok sa silot, aron lang nga kita maluwas.

9. Ang giapàs Niya mao nga unta makab-ot nato ang kinabuhing way katapusan uban sa Dios. Kon buot hunahunaon mao ra kini ang adunay bili, ang tumong nganong gipakatawo ta dinhi sa yuta. Diha Kaniya makab-ot nato ang kahingpitan, ang katumanan sa tanan natong pangandoy.

10. . Tungod niini si Jesus nag-awhag nga “angkonon” nato Siya dinhi karon. Apan kondili ta buot manggilabot Kaniya ug magdumili ta sa pag-angkon Kaniya, nan, sa takna nga adto na kita sa laing kinabuhi, mapahilayô na kita Niya hangtod sa kahangturan.

11. Inigkahuman sa atong pagpanaw ning kalibutan, walay laing mahimo si Jesus, kondili ang pagpamatuod atubangan sa Amahan sa gipili nato nga binuhatan dinhi sa yuta uban sa mga bunga niini. Sa iyang pagpunting sa kataposang hukom, gipakita Niya unsa ka-halangdon ug ang gibug-aton sa kada desisyon nga atong pagahimuon dinhi sa kalibutan: asa ta dapit mahi-apil sa laing kalibutan, ang atong gihisgutan.

12. “Ang moangkon atubangan sa mga tawo nga siya akoa, angkonon ko usab atubangan sa akong Amahan didto sa langit. Apan ang dili moangkon nga siya akoa, dili ko usab angkonon atubangan sa akong Amahan didto sa langit.”

13. Unsaon man nato pagpahimulos niining pahimangno ni Jesus? Unsaon man nato pagpuyo niining iyang mga Pulong? Siya mismo ang misulti: “Kinsa kadtong moangkon nga siya akoa...”

14. Nan, modesisyon ta sa pag-ila Kaniya atubangan sa mga tawo sa simpleng pamaagi ug dili magpagka-aron’ingnon. Buntogon nato ang tawhanong kaikog. Biyaan nato ang kinabuhing walay baroganan ug dili na magpabitik sa laang sa uban nga maoy nagpa-kawalay-pulos sa tinuod natong kinabuhi isip mga Kristyanos.

15. Hinumdumi nga gitawag kita pagsaksi kang Kristo kinsa buot moabot sa tanang katawhan uban sa iyang mensahe sa kalinaw, hustisya ug gugma, labi na gyud gikan kanato. Makasaksi ta Kaniya bisan asa: diha sa atong pamilya, sa trabaho, sa atong kahigalaan, sa eskwelahan o bisan asa tungod sa panghitabo sa atong kinabuhi.

16. Isaksi nato kini, una sa tanan, pinaagi sa atong linihokan: sa pagkamatinud-anon, sa kaputli sa pamiste, sa pagkawalay panumbaling sa kwarta, sa atong pagduyog sa mga kalipay ug kasakit sa uban

17. Ipakita nato kini sa talagsaon nga pamaagi: diha sa pagbinaslanay sa gugma sa usag-usa, diha sa atong panaghiusa; aron lamang nga ang kalinaw ug ang lunsay nga kalipay nga gisaad ni Jesus alang sa mga tawong nahiusa Kaniya, mopuno sa atong espirito sukad pa dinhi sa yuta ug mobuhagay ngadto sa uban.

18. Ug kon adunay mangutana: nganong ingon niana ang atong binuhatan, nganong malinawon man kita bisan taliwala sa kabalaka sa kalibutan? Mapaubsanon ug kinasingkasing kitang molitok sa mga pulong nga isugyot kanato sa Espirito Santo aron makasaksi kita kang Kristo gikan usab sa atong bâbâ ug sa mga sugyot sa hunahuna.

19. Busâ, tingali daghan niadtong nangita Kaniya, makakaplag na Kaniya.

20. May mga higayon nga kita dili masabtan, supakon ug biaybiayon; tingali usab, kasilagan ug lutoson. Gipasidan-an na kita ni Jesus niini: “Kon gilutos nila ako, lutoson usab kamo nila.” (Jn 15:20)

21. Anaa ta sa saktong dalan, busa magpadayon ta sa maisogong pagsaksi kaniya taliwala sa mga pagsulay, bisan ug mawad-an pag kinabuhi.

22. Takus gayod ang ganti nga nagpaabot kanato: mao kini ang Langit, diin si Jesus nga atong gihigugma, moangkon kanato atubangan sa iyang Amahan hangtod sa kahangturan.

23. “Ang moangkon atubangan sa mga tawo nga siya akoa, angkonon ko usab atubangan sa akong Amahan didto sa langit. Apan ang dili moangkon nga siya akoa, dili ko usab angkonon atubangan sa akong Amahan didto sa langit.” (Mt. 10: 32-33) Text by Chiara Lubich Layout by Anna Lollo in collaboration with Fr. Placido D’Omina