Keersmes in Mestreech

1. Keersmes in Mestreech Eus eige leedsjes December 2009 Klikke um wijjer te goon

2. Wie Zjezeke gebore woort Toen waor 't tot me de ingele hoort: Gloria! Gloria! En 't zach gewuif vaan hun vleugelkes En e koer wie vaan doezend veugelkes En harpe en sjalmeije Die hoort me tössebeije: Gloria! Gloria! Wie Zjezeke in 't stelke laog Bezeuk toen vaan de herders kraog: Gloria! Gloria! Toen keek 't ins mèt e bang geziech Wie Selvruike 't eve had opgeriech Nao al die dónker minse Die häöm noe kaome winse: Gloria! Gloria! Wie Zjezeke in 't stelke sleep Selvruike zöchde eve deep: Gloria! Gloria! Ze zöchde um 't sjäöpke klein Dat moos lijje nog later hiel väöl pijn Toch zóng in stèl verblijje Häör hart zoe tössebeije: Gloria! Gloria! Wie Zjezeke get kerremde, Sint Joezep ziech óntferremde: Gloria! Gloria! En stèl lag heer toen hiel zeutekes 'n Aajd dekensje op zien veutekes Heer blaosde oet 't leechske En duijde aon 't weegske: Gloria! Gloria!

3. Stèl is de nach sterre stoon zach Deep in 't blauw vaan de nach Stèl zit Slevrouw bijj 't kribke en kiek Kiek nao 'r keend is d'n hiemel te riek Stèl hèlt Sint Zjozef de wach Stèl hèlt Sint Zjozef de wach Stèl is de nach 't kinneke lach Lach nao Slevrouw mèt uigskes zoe zach Zach wie 'n blom en wie steerkes zoe deep Wel wouw Slevrouw tot 'r kinneke sleep Stèl hèlt Sint Zjozef de wach Stèl hèlt Sint Zjozef de wach Stèl is de nach gone veer zach Zach nao 't kribke boe Zjezeke wach Geve veer alles aon häöm dee us gaof Al wat 'r had en d'n hiemel belaof Eder dee hijj aon häöm dach Eder dee hijj aon häöm dach ✶Allein 't ierste koeplèt weurt gezónge.

4. Keersnach is 't Kinneke gebore En 't kreet ziech bónt en blauw. En 't had zien hummeke verlore En 't bubbelt vaan de kaw. Sus, sus, klein kindje teer, Hou op en schrei niet meer Want het is voor Onze Lieve Heer Kom morgenavond weer. Ga naar boven en haal wat kolen, Haal wat hout! Jezuskindje heeft zo koud.

5. Op kawwe wintermörrege Dee kaom nao bange nach Waos 't kribbeke vol zörrege Veur 't kinneke lang verwach. En hiemels meziek Maak 't Mojerke riek Al is 't in 't stelke ouch errem. Want ingelezaank Brink hiemelse klaank En deit 't zoe sjoen zien en werrem. Selvruike zit te kieke Nao 't wiechske op 're sjoet En veult ziech ao zoe rieke Al is in de stal väöl noed. Want wereldse prach Is nog neet dao gebrach Meh al is ouch 't Mojerke errem. Toch wèt ze häör keend Al is 't beter geweend Te dèkke ermeujtig meh werrem. Sint Zjoezep zit te beije En kiek op 't kinneke neer Dat hijj zoeväöl moot lijje Meh brink de vreij us weer. En herderkes zien In sjeem'rige sjien Vaan e keerske klei Zjezeke errem. Dat lach hun noe touw En dat maak Selvrouw 't Mojerke 't hart ao zoe werrem.

6. De herderkes kaome geloupe Mèt deukskes, mèt fruit en 'nen tróp! Ze hadde geer mie wèlle koupe, Meh ze waore zoe errem es Job! Ze lepe wie langer wie gawwer Klaor sjijnde de winterse maon, Drijj stief vaan de giech en d'n awwer, Die strómpelde achteraon. D'n iever dee blónk op 'r weze En brandde de kaw vaan hun weg, Ze kóste neet sjrieve of leze Meh ze waore zoe good en oprech! Nog fieftig,nog veertig stappe, Toen gónge de mötse al aof. Ze bezaoge d'r kleijer vol lappe... Meh wee dee hun betere gaof? Nog twintig,nog vieftien stappe, Ze laoge geknield ónderein, Ze buigde hun köp en hun kappe En knepe hun han biejein. Ze krope 't stelleke binne Gans bang en veraltereerd! Wat góng noe toch mèt 'r beginne? D're mood waor gein tuut mie weerd. Slevruike stóng bijj 't kribke Sint Zjoezep zaot in 'nen hook, 't Kinneke ónder e slipke Vaan Meerke d'ren umslaagdook. Dat laog in ze houte bèdsje, 't Stru staok vaan weerskante oet. Gei hummeke en gei klèdsje, Mèt beurske en veutekes bloet. Meh z'n uigskes die waore wie sterre, Z'n hennekes wie vaan leech. De herderkes bleve vaan verre, Zjus hunnekes, bang veur sleeg! Of Maria al vruntelik winkde Ze hele ziech kort bijj de deur. Tot eindlik d'n ajdste ophinkde En góng al die aander veur. En ze drónge rónd um 't kribke, En ze loerde hun ouge oet! 't Kinneke trok mèt ze lipke En staok z'n twie hennekes oet! En ze buigde d'r kop wied nao väöre, 't Kinneke zegende die, En de jóngste begós 't te käöre Mèt die vingerkes blaank wie snie. De deukskes,de pruimkes,de peerkes Die lagte ze op 'n rijj. Ze doge bezörreg wie meerkes, En waore wie kinder zoe blijj! Sint Zjoezep dee lachde en snikde En daankde zoe good es 't góng. 't Meujerke jenkde en knikde... D'r hertsje dat gleujde en zóng. Ze höbbe nog efkes gegrepe De hennekes klein vaan 't Keend, Ze zach in d'r voeste geknepe, Zoeget zijjigs waor geine geweend! En ze höbbe nog weer ins gekeke In die uigskes wie sterrekes klaor. En nog ins hiel veurziechtig gestreke, Hiel evekes door zien haor! Toen zien ze gegaange,meh kaome Vaan vlak bijj de deur weer trök! Ze hoofde ziech neet te sjaome, Ze krete,mer 't waor vaan gelök. Meh eindlik ...ze gónge...tot mörrege.... Sint Zjoezep,bang veur de kaw, Slevrouw moos 't keend goon verzörrege Doog gaw de deur op de sjaw. ✶ Allein 't ierste koeplèt weurt gezónge. ✶✶ Iech höb zoeväöl meugelik d'n teks vaan de meker gevolleg.

7. Kómp gone veer same nao 't stelke touw. dao vint geer Sint Zjoezep,dao vint geer Slevrouw. Dao vint g'r e kribke vaan awwer kaduuk, dat noe Slivvenierke veur bèdsje gebruuk. Want 't is Slivvenierke,e good eurke aajd, dee dao lik te kriete,och 't is ouch zoe kaajd! Z'n windelkes zien mer vaan liene,hiel dun. Ze meerke is errem en gans zónder vrun. De snie,dee lik boete,e paar voeste dik; de wind blaos venijnig,de kaw bit en stik. 'n Öske,dat aosemp mèt 't ezelke mèt, get werremde euver 't keend en zie bèd. Meh 't drubbelke krit mer, krit stiedig mer door. Slevruike die wouw wel dat 't stelder woor! Kómp, laote v'r same nao 't stelke goon. Ze höbbe dao höllep en truus vendoon. Kómp bringe v'r 't kinneke woe 't werrem vaan weurt; Woeveur 't us later .....d'n hiemel verheurt. Of is uuch 't Betteljems stelke te wied? G'r kint eur kadookes hijj ouch nog wel kwiet. Want miech, zag 't kinneke,daot geer alle good, dat geer aon de kleinste en erremste doot. En kleine en erreme die höbt geer hijj zat. Bedink die dus good en g'r maak uuch 'ne sjat. Hijj bove woe 't Kinneke neet jenk en neet krit, meh in 'ne gouwe zedeleer zit. Mèt kroene vaan goud en vaan klaor diamant veur de minse,rejaolig vaan hart en vaan hand.

8. Dao is e keend gebore,Kyrieleis e Blömke tössen 't kore Zoe steit 't gans verlore Kyrie,Kyrie,Kyrieleis 't Zal zien zäödsjes zejje,Kyrieleis En es me daan geit mejje Wee zal nao 't blömke krejje Kyrie,Kyrie,Kyrieleis Wel zal me 't zien bleuje, Kyrieleis En ziech demèt bemeuje Meh 't blijf gestiedig greuje Kyrie,Kyrie,Kyrieleis De zäödsjes tössen 't kore, Kyrieleis Die gónge neet verlore Daoveur is 't keend gebore Kyrie, Kyrie, Kyrieleis

9. Zjezeke,klein Zjezeke, zèk höbste neet te kaajd? Dien Mojer had gein windelkes en 't dekensje is aajd. Sint Zjoezep heet al veur den trèk diech mèt z'ne mantel touw gedèk. Zjezeke,klein Zjezeke, boeveur bis tiech zoe errem ? Veer bringe diech eus öfferkes mesjiens weurste noe werrem. Veer bringe die zoe geer,zoe geer en mörrege bringe veer 'rs weer. Zjezeke,klein Zjezeke, boeveur toch al dat leid ? Is 't sóms tot dien herteke zoe good al veur us sleit. Daan geef,al höbbe veer väöl praots us ezzebleef dao-in 'n plaots.

10. Slide 1 Pieter Aertsen 1560. Rijksmuseum Amsterdam. Slide 6 Jacob Cornelisz van Oostsanen 1470-1533. Rijksmuseum Amsterdam. "De herderkes". Broeder Edgard Heynen 1882-1952. Slide 2 Geertgen tot Sint Jans ±1490. Rijksmuseum Amsterdam. "Wie Zjezeke gebore woort" 1936. Teks: H.Loontjens. Meziek: Henri Tijssen. Slide 7 Rogier v d Weyden. "Komp gone veer same"1913. Broeder Edgard Heynen 1882-1952. Slide 3 Geertgen tot Sint Jans ± 1490. Cleveland Museum of Art.Cleveland. "Stèl is de nach" 1952. Broeder Edgard Heynen 1882-1952. D'n oersprunkeliken teks (1818) is vaan Franz Xavier Gruber. Slide 8 Jan Mostaert. Museum Boijmans van Beuningen. "Dao is e keend gebore" 1938. Harie Loontjens 1902-1886. Slide 4 Geertgen tot Sint Jans ±1485. Národni Galerie Praag. "Keersnach is 't kinneke gebore". Meker ónbekind. Slide 9 Naovolleger vaan Jheronimus Bosch. Middepaneel vaan 'n triptiek in Anderlecht. "Zjezeke,klein Zjezeke". Harie Loontjens 1902-1986. Slide 5 Jheronimus Bosch 1510. Prado te Madrid. "Op kawwe wintermörrege" december 1927. Harie Loontjens 1902-1986.

11. Iech wins uuch 'ne Zaolige Keersmes en wie me dat in Mestreech zoe zeet: Zaolig Nuijjaor, d'ne kop vol haor, d'ne kop vol niete, diech maags in mien waffele biete! www.xs4all.nl/~hfeij TINY tinyoetmestreech@xs4all.nl