Download
1 / 5
50 likes | 218 Vues
Hoz Daauh:Fiev Bun Lau^ndi^sie Jiu-Baang Nyei Fienx Ging-Sou Waac: Laauc Yaangh 3:14-22 (11-6-2005) Biux Mengh Waac
E N D
Hoz Daauh:Fiev Bun Lau^ndi^sie Jiu-Baang Nyei Fienx Ging-Sou Waac: Laauc Yaangh 3:14-22 (11-6-2005) Biux Mengh Waac Lau^ndi^se jiu-baang se yiem zuqc butv zoih nyei dorngx, se benx zoux saeng-eix nyei dorngx. Yiem loz-hnoi nyei ziangh hoc, naaiv norm mungv se benx da’yietv maaih mengh maaih hoc nyei dorngx, mienh camv zunc lorz zinh nyaanh nyei jauv hnangv, maiv gunv sienx nyei mienh fai maiv sienx nyei mienh yaac fih hnangv nyei zoux. Weic zuqc lorz zinh nyaanh nyei jauv se benx da’yietv nyungc yiem mienh mauv nyei jauv. Yiem naaiv norm dorngx ninh mbuo zoux saeng-eix longx nyei jauv se maaih buo nyungc ga’naaiv.
Da’yietv nyungc se maaih norm ndaatv ndie nyei hong-nganh, ndaatv biei nyei lui-houx daaih maaic (manufacture of wool), da’nyeic nyungc se maaih i norm zoux nyaanh nyei lamh yiem naaic (banking industry), da’faam nyungc se maaih norm domh horpc dorngh yiem naaic njaaux meih zorpc m’zing caux zoux m’zing nyei ndie nyei hong-ngaanh (a medical school that produced eye ointment). Weic naaiv deix jauv zoux bun Lau^ndi^sie nyei jiu-baang maiv haih nitv fatv Tin-Hungh. Ninh mbuo sienx Tin-Hungh nyei, mv baac maiv maaih ziangh hoic bun Tin-Hungh zoux ninh nyei gong, jiu baang mienh kungx zunc lorz zinh nyaanh nyei jauv hnangv, maiv maaih hnyouv kuaax taux Tin-Hungh caux ninh nyei gong. Weic naaiv Ziouv Yesu cingx daaih gorngv ninh mbuo, maiv jorm yaac maiv naamx nyei hnangv.
I. Lau^ndi^sie Jiu-Baang Zoux Nyei Gong Caux Sienx Nyei Jauv (15ys) “Yie hiuv duqv meih zoux nyei gong, hiuv duqv meih maiv jorm yaac maiv namx. Feix duqv meih jorm fai maiv zei aeqv, namx. 16 Mv baac, weic zuqc meih mbuo se un-un wuov, maiv jorm yaac maiv namx, yie oix liev meih cuotv yie nyei nzuih mingh.” II. Lau^ndi^sie Jiu-Baang Nyei Sienx Fim Caux Ziangh Maengc (17ys) “Meih gorngv, ‘‘Yie butv zoih, nyungc-nyungc maaih nzoih, maiv qiemx zuqc haaix nyungc aqv.’’ Mv baac meih maiv hiuv duqv meih ndongc haaix kouv, ndongc haaix korh lienh, jomc haic, m'zing mbuov, njang sin civ liv nyei yiem.”
III. Yesu Kuinx Ninh Mbuo Zoux Nyei Jauv (18ys) “Yie kuinx meih maaiz yie longc louh douz sinx daaih nyei zien jiem weic bun meih butv zoih. Yaac maaiz lui-houx baeqc zuqv jienv bun meih maiv nyaiv, maiv zuqc laengh gaengv yiem. Yaac oix zuqc tengx yie maaiz ndie nzaatv meih nyei m'zing weic bun meih haih mangc duqv buatc.” IV. Yesu Oix Ninh Mbuo Zoux Nyei Jauv (19ys). ‘Da'faanh yie hnamv nyei mienh yie gorngv-hemx yaac mborqv njaaux. Hnangv naaic, meih oix zuqc jorm daaih goiv hnyouv guangc meih nyei zuiz. 20 Mangc maah! Yie souv jienv gaengh ndaangc ngaengv gaengh. Haaix dauh haiz yie nyei qiex yaac koi gaengh yie ziouc bieqc mingh caux ninh nyanc hnaangx, ninh yaac caux yie nyanc hnaangx. 21 ‘Haaix dauh duqv hingh nyei, yie ziouc bun wuov dauh maaih leiz juangc yie nyei weic zueiz, hnangv yie duqv hingh ziouc caux yie nyei Die juangc ninh nyei weic zueiz. 22 ‘Haaix dauh maaih m'normh oix zuqc baeng m'normh muangx longx Singx Lingh hnangv haaix nor mbuox zuangx jiu-baang.’’
Setv Mueiz Waac • Yesu oix mbuo oix hnyouv nzuonx daaih lorz Ninh. • Yesu oix mbuo jorm hnyouv yiem Ninh gu’nyuoz. • Yesu oix mbuo muangx Ninh nyei waac. • Yesu oix mbuo zanc-zanc fuh sux Ninh. • Yesu hiuv duqv mbuo zoux nyei sic hnangv haaix nor nyei.
