Pa-khek-lé Siu-tèng-pán Sèng-keng 巴克禮修訂版聖經 Kū-iok 舊約

1. Pa-khek-lé Siu-tèng-pán Sèng-keng巴克禮修訂版聖經 Kū-iok舊約 “Chhut Ai-ki̍p Kì”《出埃及記》 Tē cha̍pchiuⁿ第十章

2. “Chhut Ai-ki̍p Kì” 《出埃及記》 Exodus Tē cha̍pchiuⁿ 第十章Tē 1 chat 第一節 Iâ-hô-hoa tùi Mô͘-se kóng, Lí ji̍p-khì kìⁿ Hoat-ló; in-ūi Goá í-keng hō͘ i ê sim, kap i ê jîn-sîn ê sim, kong-ngī, thang hō͘ Goá hián-bêng Goá chiah-ê sîn-jiah tī in tiong-kan;耶和華對摩西講：你入去 見法老；因為我已經hō͘伊ê心， kap伊ê人臣ê心，剛硬，thang hō͘我 顯明我chiah-ê神蹟tī in中間；

3. “Chhut Ai-ki̍p Kì”《出埃及記》 Exodus Tē cha̍p chiuⁿ 第十章Tē 2 chat 第二節 iā beh hō͘ lí chiong Goá só͘ choè tī Ai-ki̍p ê sū, kap Goá tī in tiong-kan só͘ kiâⁿ chiah-ê sîn-jiah, thoân hō͘ lí ê kiáⁿ kap lí ê sun thiaⁿ, thang hō͘ lín chai Goá sī Iâ-hô-hoa.也beh hō͘你將我所做tī埃及ê事， kap我tī in中間所行chiah-ê 神蹟，傳hō͘你ê kiáⁿ kap你ê孫聽， thang hō͘ lín知我是耶和華。

4. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 3 chat 第三節 Mô͘-se, A-lûn chiū khì kìⁿ Hoat-ló, kā i kóng, Iâ-hô-hoa, Hi-pek-lâi lâng ê Siōng-tè, án-ni kóng, Lí tī Goá ê bīn-chêng m̄-khéng ka-kī khiam-pi, beh kàu sím-mi̍h sî ah? Tio̍h chún Goá ê peh-sìⁿ khì, hō͘ in ho̍k-sāi Goá.摩西、亞倫就去見法老，kā伊講： 耶和華，希伯來人ê上帝，án-ni講： 你tī我ê面前m̄肯家己謙卑， beh到甚麼時ah？Tio̍h准 我ê百姓 去，hō͘ in服事我。

5. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 4 chat 第四節 Lí nā m̄-khéng hō͘ Goá ê peh-sìⁿ khì, khoàⁿ ah, bîn-á-ji̍t Goá beh hō͘ chháu-meh ji̍p lí ê kéng-lāi;你若m̄肯hō͘我ê百姓去， 看ah，明á日我beh hō͘ 草蜢入你ê境內；

6. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 5 chat 第五節 in beh jia-khàm toē-bīn, tì-kàu boē khoàⁿ-kìⁿ thô͘; koh beh chia̍h hit-ê tùi chai-ē só͘-chhun-ê, chiū-sī pha̍uh só͘ phah bô liáu ê; iā beh chia̍h chhân-ni̍h ūi lín só͘ hoat it-chhè ê chhiū-ba̍k;in beh遮蓋地面，致到boē看見土； koh beh食hit-ê tùi災禍所chhun ê， 就是雹所phah無了ê；也beh食 田裡為lín所發一切ê樹木；

7. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 6 chat 第六節 chháu-meh beh chhiong-moá lí ê chhù, kap lí ê chèng jîn-sîn ê chhù, í-ki̍p it-chhè Ai-ki̍p lâng ê chhù, tùi lí ê lāu-pē kap lí ê chó͘-kong chhut-sì kàu taⁿ, bē-bat khoàⁿ-kìⁿ án-ni. Mô͘-se chiū oa̍t-tńg-sin, lī-khui Hoat-ló chhut-khì.草蜢beh充滿你ê厝，kap你ê眾 人臣ê厝，以及一切埃及人ê厝， 對你ê老父kap你ê祖公出世到taⁿ， bē-bat看見án-ni。摩西就 oa̍t-tńg身，離開法老出去。

8. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 7 chat 第七節 Hoat-ló ê jîn-sîn tùi i kóng, Chit lâng choè lán ê lô-bāng, beh kàu sím-mi̍h sî ah? tio̍h chún chiah-ê lâng khì ho̍k-sāi Iâ-hô-hoa in ê Siōng-tè; Ai-ki̍p í-keng pāi-hoāi, lí kiám m̄-chai mah?法老ê人臣對伊講，Chit人做 咱ê羅網，beh到甚麼時ah？Tio̍h 准 hiah-ê人去服事耶和華in ê上帝； 埃及已經敗壞，你kiám m̄知mah？

9. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 8 chat 第八節 Tùi án-ni, Mô͘-se, A-lûn siū tiàu tò-tńg-lâi kìⁿ Hoat-ló; Hoat-ló kā in kóng, Lín khì ho̍k-sāi Iâ-hô-hoa lín ê Siōng-tè; to̍k-to̍k hiah-ê beh-khì-ê, sī sím-mi̍h hō lâng ah?Tùi án-ni，摩西、亞倫受召tò-tńg來見 法老；法老kā in講：lín去服事 耶和華lín ê上帝；獨獨hiah-ê beh去ê，是甚麼號人ah？

10. “Chhut Ai-ki̍p Kì”《出埃及記》 Exodus Tē cha̍p chiuⁿ 第十章Tē 9 chat 第九節 Mô͘-se kóng, Goán beh kap goán ê siàu-liân lâng lāu-lâng khì, iā beh toà goán ê kiáⁿ cha-bó͘-kiáⁿ, kap goán ê iûⁿ-kûn gû-kûn choè chi̍t-ē khì; in-ūi goán tio̍h siú Iâ-hô-hoa ê choeh.摩西講：阮beh kap阮ê少年人 老人去，也beh toà阮ê kiáⁿ cha-bó͘-kiáⁿ， kap阮ê羊群牛群做一下去； 因為阮tio̍h守耶和華ê節。

11. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 10 chat 第十節 Hoat-ló tùi in kóng, Hó lah, goá chún lín kap lín ê gín-á khì lah, goān Iâ-hô-hoa kap lín tī-teh; lín tio̍h kín-sīn, chai-ē tī lín ba̍k-chiu-chêng lah;法老對in講：好lah， 我准lín kap lín ê gín-á去lah， 願耶和華kap lín tī-teh；lín tio̍h謹慎， 災禍tī lín目睭前lah；

12. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 11 chat 第十一節 án-ni boē-choè-tit; lín chiah-ê toā-lâng thang khì ho̍k-sāi Iâ-hô-hoa, in-ūi che sī lín só͘ kiû ê. Chiū tùi Hoat-ló ê bīn-chêng koáⁿ in chhut-khì.án-ni boē做得； lín chiah-ê大人thang去服事 耶和華，因為這是lín所求ê。就tùi 法老ê面前趕in出去。

13. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 12 chat 第十二節 Iâ-hô-hoa kā Mô͘-se kóng, Lí chhun-chhiú kí Ai-ki̍p toē, hō͘ chháu-meh chiūⁿ-lâi Ai-ki̍p toē, chia̍h toē-ni̍h it-chhè ê chhài-soe, chiū-sī pha̍uh phah bô liáu ê.耶和華kā摩西講：你伸手 kí埃及地，hō͘草蜢上來埃及地， 食地裡一切ê菜蔬，就是雹phah無了ê。

14. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 13 chat 第十三節 Mô͘-se chiū chhun i ê koáiⁿ-á, kí Ai-ki̍p toē; Iâ-hô-hoa chiū hō͘ tang-hong thong-ji̍t thong-mî chhe tī toē-ni̍h; kàu bîn-á-chá-khí, tang-hong chiū chiong chháu-meh chhe-lâi.摩西就伸伊ê柺á，kí埃及地； 耶和華就hō͘東風thong日thong暝 吹tī地裡；到明á早起， 東風就將草蜢吹來。

15. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 14 chat 第十四節 Chháu-meh chiūⁿ-lâi Ai-ki̍p piàn-toē, hioh tī Ai-ki̍p ê sì-kéng, lī-hāi kàu-ke̍k; chiông-chêng bô ū án-ni ê chháu-meh, í-āu iā bô beh án-ni;草蜢上來埃及遍地， 歇tī埃及ê四境，厲害到極； 從前無有án-ni ê草蜢， 以後也無beh án-ni；

16. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 1 5chat 第十五節 in-ūi in jia-khàm choân-toē, tì-kàu toē lóng o͘-àm; koh chia̍h toē-chiūⁿ it-chhè ê chhài-soe, kap chhiū-ni̍h ê ké-chí, pha̍uh só͘ phah bô liáu ê. Ai-ki̍p piàn-toē, bô-lūn chhiū-ba̍k, á-sī chhân-ni̍h ê chhài-soe, bô lâu chi̍t-hāng chhiⁿ-chhùi ê mi̍h.因為in遮蓋全地，致到地lóng烏暗； koh食地上一切ê菜蔬， kap樹裡ê果子，雹所phah無了ê。 埃及遍地，無論樹木，á是田裡ê 菜蔬，無留一項 青翠ê物。

17. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 16 chat 第十六節 Tùi án-ni Hoat-ló koáⁿ-kín kiò Mô͘-se, A-lûn lâi, kóng, Goá tek-choē lín ê Siōng-tè Iâ-hô-hoa, iā tek-choē lín.Tùi án-ni，法老趕緊叫摩西、 亞倫來，講： 我得罪lín ê上帝耶和華， 也得罪lín。

18. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 17 chat 第十七節 Taⁿ kiû lí, kan-ta chit-chi̍t-pái sià-bián goá ê choē, kiû lín ê Siōng-tè Iâ-hô-hoa, hō͘ goá thoat-lī chit-chi̍t-pái ê sí-bô.Taⁿ求你， kan-ta chit一pái赦免我ê罪， 求lín ê上帝耶和華， hō͘我脫離chit一pái ê死無。

19. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 18 chat 第十八節 Mô͘-se chiū lī-khui Hoat-ló, khì kiû Iâ-hô-hoa.摩西就離開法老， 去求耶和華。

20. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 19 chat 第十九節 Iâ-hô-hoa chiū tńg chin-thàu ê sai-hong chiong chháu-meh chhe-khí-lâi, koáⁿ-ji̍p Âng-hái; tī Ai-ki̍p ê sì-kéng bô lâu chi̍t-chiah chháu-meh.耶和華就tńg真透ê西風 將草蜢吹起來， 趕入紅海；tī埃及ê四境 無留一隻草蜢。

21. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 20 chat 第二十節 Chóng-sī Iâ-hô-hoa hō͘ Hoat-ló ê sim ngī, m̄-chún Í-sek-lia̍t lâng khì.總是耶和華 hō͘法老ê心硬， m̄准以色列人去。

22. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 21 chat 第二十一節 Iâ-hô-hoa kā Mô͘-se kóng, Lí chhun-chhiú ǹg-thiⁿ, hō͘ Ai-ki̍p toē o͘-àm, chit-ê o͘-àm kàu oē-bong-tit.耶和華kā摩西講： 你伸手ǹg天， hō͘埃及地烏暗， chit-ê烏暗到能摸得。

23. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 22 chat 第二十二節 Mô͘-se chiū chhun-chhiú ǹg thiⁿ, Ai-ki̍p piàn-toē chiū saⁿ-ji̍t kú o͘-o͘ àm-àm;摩西就伸手ǹg天， 埃及遍地就三日久 烏烏暗暗；

24. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 23 chat 第二十三節 saⁿ-ji̍t kú lâng boē khoàⁿ-kìⁿ lâng, iā bô khí-lâi lī-khui i ê só͘-chāi; to̍k-to̍k Í-sek-lia̍t lâng ê chhù lóng ū kng.三日久人boē看見人， 也無起來離開伊ê所在； 獨獨以色列人ê厝lóng有光。

25. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 24 chat 第二十四節 Hoat-ló chiū kiò Mô͘-se lâi kóng, Lín khì ho̍k-sāi Iâ-hô-hoa, to̍k-to̍k sī lín ê iûⁿ-kûn gû-kûn tio̍h lâu-teh, lín ê gín-á chiū thang kap lín saⁿ-kap khì.法老就叫摩西來講： Lín去服事耶和華， 獨獨是lín ê羊群牛群tio̍h留teh， lín ê gín-á就thang kap lín相kap去。

26. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 25 chat 第二十五節 Mô͘-se kóng, Lí iā tio̍h chiong seng-lé kap sio-chè ê mi̍h kau goán ê chhiú, hō͘ goán thang chè-sū Iâ-hô-hoa goán ê Siōng-tè.摩西講：你也tio̍h將牲禮 kap燒祭ê物交阮ê手， hō͘阮thang祭祀 耶和華阮ê上帝。

27. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 26 chat 第二十六節 Goán ê cheng-siⁿ iā tio̍h kap goán khì, liân chi̍t-chiah iā m̄ lâu-teh; in-ūi goán tio̍h tùi hit tiong-kan chhú i, lâi ho̍k-sāi Iâ-hô-hoa goán ê Siōng-tè; koh goán iáu-bē kàu hia m̄-chai tio̍h ēng sím-mi̍h ho̍k-sāi Iâ-hô-hoa.阮ê cheng-siⁿ也tio̍h kap阮去， 連一隻也m̄留teh；因為阮tio̍h tùi hit 中間取伊，來服事耶和華阮ê 上帝；koh阮猶未到hia m̄知 tio̍h用甚麼服事耶和華。

28. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 27 chat 第二十七節 Chóng-sī Iâ-hô-hoa hō͘ Hoat-ló ê sim ngī, m̄-khéng hō͘ in khì.總是耶和華 hō͘法老ê心硬， m̄肯hō͘ in去。

29. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 28 chat 第二十八節 Hoat-ló kā Mô͘-se kóng, Lí tio̍h lī-khui goá khì; lí tio̍h kín-sīn ka-kī, m̄-thang koh kìⁿ goá ê bīn; in-ūi lí kìⁿ goá ê bīn, hit-ji̍t lí oē sí.法老kā摩西講： 你tio̍h離開我去；你tio̍h謹慎家己， m̄-thang koh見我ê面； 因為你見我ê面，hit日你會死。

30. “Chhut Ai-ki̍p Kì”《出埃及記》 Exodus Tē cha̍pchiuⁿ 第十章Tē 29 chat 第二十九節 Mô͘-se kóng, Lí án-ni kóng, Hó; goá bô beh koh kìⁿ lí ê bīn lah.摩西講： 你án-ni講：好； 我無beh koh見你ê面lah。