Pa-khek-lé Siu-tēng-pán Sèng-keng 巴克禮修訂版聖經

1. Pa-khek-lé Siu-tēng-pán Sèng-keng 巴克禮修訂版聖經 Kū-iok舊約Genesis “Chhòng-sè-kì”《創世記》 Tē jī-cha̍p-káu chiuⁿ第二十九章

2. “Chhòng-sè-kì”《創世記》GenesisTē jī-cha̍p-káu chiuⁿ第二十九章 Tē 1 chat 第一節 Ngá-kok khí-sin, kàu tang-hng ê lâng ê toē;雅各起身， 到東方ê人ê地；

3. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 2 chat 第二節 khoàⁿ-kìⁿ chhân-ni̍h ū chi̍t kháu chíⁿ, ū saⁿ tīn iûⁿ tó tī chíⁿ-piⁿ, in-ūi lâng hō͘ iûⁿ-kûn lim, lóng sī ēng hit ê chíⁿ ê chúi; chíⁿ-chhùi ēng toā chio̍h khàm.看見田裡有一口井， 有三陣羊倒tī井邊，因為人hō͘ 羊群lim，lóng是用hit-ê井ê水； 井嘴用大石蓋。

4. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 3 chat 第三節 Pêng-sî iûⁿ-kûn chū-chi̍p tī-hia, lâng chiū chiong chio̍h-thâu soá lī chíⁿ-chhùi, hō͘ iûⁿ lim chúi; chiah koh chiong chio̍h-thâu soá kàu goân-ūi.平時羊群聚集tī-hia， 人就將石頭徙離 井嘴，hō͘羊lim水；chiah koh 將石頭徙到原位。

5. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 4 chat 第四節 Ngá-kok tùi in kóng, Hiaⁿ-tī ah, tùi tah-lo̍h lâi? in kóng, Goán tùi Hap-lân lâi.雅各對in講，兄弟ah， tùi tah-lo̍h來？in講， 阮tùi哈蘭來。

6. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 5 chat 第五節 Mn̄g in kóng, Ná-ho̍k ê sun Lāh-pan, lín bat i mah?問in講， Ná-ho̍k ê孫Lāh-pan， lín bat伊mah？

7. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 6 chat 第六節 kóng, Bat-i. Koh tùi in kóng, I pêng-an mah? kóng, Pêng-an. Lí khoàⁿ, i ê cha-bó͘-kiáⁿ La̍h-kiat chhoā i ê iûⁿ-kûn teh lâi.講，Bat伊。Koh對in講， 伊平安mah？講，平安。 你看，伊ê cha-bó͘-kiáⁿ拉結 chhoā伊ê羊群teh來。

8. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 7 chat 第七節 Kóng, Ji̍t iáu koâiⁿ, cheng-siⁿ chū-chi̍p ê sî bē kàu, m̄-ta̍t-tio̍h hō͘ iûⁿ lim chúi, koh khì chhī.講，日iáu高， cheng-siⁿ聚集ê時未到， m̄值tio̍h hō͘羊lim水，koh去飼。

9. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 8 chat 第八節 In kóng, Goán boē-oē, tio̍h thèng-hāu choē-choē tīn lóng chū-chi̍p, lâng soá chio̍h lī-khui chíⁿ-chhùi, chiah thang hō͘ iûⁿ lim.In講，阮boē會，tio̍h thèng候 choē-choē陣lóng聚集， 人徙石離開井嘴， chiah thang hō͘羊lim。

10. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 9 chat 第九節 Ngá-kok teh kap in kóng-oē ê sî, La̍h-kiat chhoā in lāu-pē ê iûⁿ lâi; in-ūi sī i teh kò͘.雅各teh kap in講話ê時， 拉結chhoā in老父ê羊來； 因為是伊teh顧。

11. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 10 chat 第十節 Ngá-kok khoàⁿ-kìⁿ bú-kū La̍h-pan ê cha-bó͘-kiáⁿ La̍h-kiat, kap bú-kū La̍h-pan ê iûⁿ-kûn, chiū chìn-chêng chiong chio̍h soá lī chíⁿ-chhùi, hō͘ in bú-kū La̍h-pan ê iûⁿ-kûn lim.雅各看見母舅拉班ê cha-bó͘-kiáⁿ拉結，kap母舅拉班ê羊群， 就進前將石徙離井嘴， hō͘ in母舅拉班ê羊群lim。

12. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 11 chat 第十一節 Ngá-kok kā La̍h-kiat chim-chhùi, khui-siaⁿ khàu.雅各kā拉結chim嘴， 開聲哭。

13. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 12 chat 第十二節 Ngá-kok koh kā La̍h-kiat kóng i sī in lāu-pē ê goē-seng, sī Lī-pek-ka ê kiáⁿ; La̍h-kiat chiū cháu-khì kā in lāu-pē kóng.雅各koh kā拉結講 伊是in老父ê外甥， 是利百加ê kiáⁿ； 拉結就走去kā in老父講。

14. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 13 chat 第十三節 La̍h-pan thiaⁿ-kìⁿ goē-seng Ngá-kok ê siau-sit, chiū cháu-khì ngiâ-chih-i, phō-i, kap i chim-chhùi; chhoā i kàu in tau; Ngá-kok chiong it-chhè ê sū-chêng kā La̍h-pan kóng.拉班聽見外甥雅各ê消息， 就走去迎接伊，抱伊，kap伊 chim嘴；chhoā伊到in tau；雅各 將一切ê事情kā拉班講。

15. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 14 chat 第十四節 La̍h-pan kā Ngá-kok kóng, Lí si̍t-chāi sī goá ê kut-jio̍k. I chiū kap i toà chi̍t-ge̍h-ji̍t.拉班kā雅各講， 你實在是我ê骨肉。 伊就kap伊toà一月日。

16. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 15 chat 第十五節 La̍h-pan kā Ngá-kok kóng, Lí sui-jiân sī goá ê chhin-chhek, kiám thang pe̍h-pe̍h choè goá ê kang; chhiáⁿ kā goá kóng, lí beh sím-mi̍h kang-chîⁿ.拉班kā雅各講， 你雖然是我ê親戚， kiám thang白白做我ê工； 請kā我講，你beh甚麼工錢。

17. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 16 chat 第十六節 La̍h-pan ū nn̄g ê cha-bó͘-kiáⁿ, toā-ê miâ-kiò Lī-a, soè-ê miâ-kiò La̍h-kiat.拉班有兩個cha-bó͘-kiáⁿ， 大ê名叫利亞， 細ê名叫拉結。

18. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 17 chat 第十七節 Lī-a ba̍k-chiu khah-su, La̍h-kiat siⁿ-choè hó-khoàⁿ.利亞目睭khah輸， 拉結生做好看。

19. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 18 chat 第十八節 Ngá-kok thiàⁿ La̍h-kiat, chiū kóng, Goá goān ūi-tio̍h lí soè ê cha-bó͘-kiáⁿ La̍h-kiat, kā lí choè-kang chhit-nî.雅各疼拉結，就講， 我願為tio̍h你細ê cha-bó͘-kiáⁿ 拉結，kā你做工七年。

20. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 19 chat 第十九節 La̍h-pan kóng, Chiong i kè hō͘ lí, khah-hó hō͘ pa̍t-lâng; lí kap goá toà.拉班講，將伊嫁hō͘你， khah好hō͘別人； 你kap我toà。

21. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 20 chat 第二十節 Ngá-kok chiū ūi-tio̍h La̍h-kiat kā i choè kang chhit-nî; in-ūi chhim-thiàⁿ i, khoàⁿ-choè kúi-nā ji̍t.雅各就為tio̍h拉結 kā伊做工七年； 因為深疼伊， 看做kúi-nā日。

22. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 21 chat 第二十一節 Ngá-kok tùi La̍h-pan kóng, Ji̍t-kî í-keng moá, kiû lí chiong goá ê bó͘ hō͘ goá, goá thang kap i tâng-pâng.雅各對拉班講， 日期已經滿，求你將我ê bó͘ hō͘我，我thang kap伊同房。

23. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 22 chat 第二十二節 La̍h-pan chū-chi̍p hit só͘-chāi ê chèng-lâng, pān iân-sia̍h chhiáⁿ in.拉班聚集 hit所在ê眾人， 辦筵席請in。

24. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 23 chat 第二十三節 Kàu ji̍t àm, La̍h-pan chiong i ê cha-bó͘-kiáⁿ Lī-a, sàng lâi hō͘ i; Ngá-kok chiū kap i tâng-pâng.到日暗，拉班將伊ê cha-bó͘-kiáⁿ利亞，送來hō͘伊； 雅各就kap伊同房。

25. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 24 chat 第二十四節 La̍h-pan chiong i ê lú-pī Sek-phàⁿ hō͘ i ê cha-bó͘-kiáⁿ Lī-a choè lú-pī.拉班將伊ê女婢Sek-phàⁿ hō͘伊ê cha-bó͘-kiáⁿ利亞做女婢。

26. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 25 chat 第二十五節 Kàu thiⁿ-kng, chi̍t-ē khoàⁿ-kìⁿ sī Lī-a, chiū tùi La̍h-pan kóng, Lí kā goá choè-ê, sī sím-mi̍h? Goá kā lí choè-kang, kiám-m̄-sī ūi-tio̍h La̍h-kiat mah? lí siáⁿ-sū phiàn goá?到天光，一下看見是利亞， 就對拉班講，你kā我做ê， 是甚麼？我kā你做工，kiám-m̄是 為tio̍h拉結mah？你啥事騙我？

27. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 26 chat 第二十六節 La̍h-pan kóng, Bē kè toā-ê tāi-seng kè soè-ê, tī goán chia bô lâng án-ni choè.拉班講， 未嫁大ê事先嫁細ê， tī阮chia無人án-ni做。

28. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 27 chat 第二十七節 Lí kap chit-ê tio̍h moá chhit-ji̍t; goán chiū chiong hit-ê ia̍h kè hō͘ lí; lí ūi-tio̍h i koh kā goá choè kang chhit-nî.你kap chit-ê tio̍h滿七日； 阮就將hit-ê亦嫁hō͘你； 你為tio̍h伊koh kā我做工七年。

29. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 28 chat 第二十八節 Ngá-kok chiū chiàu án-ni kiâⁿ; kap chit-ê moá chhit-ji̍t; i chiū chiong i ê cha-bó͘-kiáⁿ, La̍h-kiat, hō͘ i choè-bó͘.雅各就照án-ni行； kap chit-ê滿七日； 伊就將伊ê cha-bó͘-kiáⁿ，拉結， hō͘伊做bó͘。

30. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 29 chat 第二十九節 La̍h-pan chiong i ê lú-pī Phek-la̍h, hō͘ i ê cha-bó͘-kiáⁿ La̍h-kiat choè lú-pī.拉班將伊ê女婢Phek-la̍h， hō͘伊ê cha-bó͘-kiáⁿ拉結做女婢。

31. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 30 chat 第三十節 Ngá-kok ia̍h kap La̍h-kiat tâng-pâng, koh thiàⁿ La̍h-kiat iâⁿ-kè Lī-a; chiū koh kā La̍h-pan choè-kang chhit-nî.雅各亦kap拉結同房， koh疼拉結贏過利亞； 就koh kā拉班做工七年。

32. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 31 chat 第三十一節 Iâ-hô-hoa khoàⁿ Lī-a bô tek-thióng, chiū hō͘ i hoâi-īn; to̍k-to̍k La̍h-kiat bô.耶和華看利亞無得寵， 就hō͘伊懷孕； 獨獨拉結無。

33. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 32 chat 第三十二節 Lī-a hoâi-īn siⁿ-kiáⁿ, chiū kā i hō-miâ Liû-piān; in-ūi kóng, Iâ-hô-hoa khoàⁿ-kìⁿ goá ê khó͘-chêng; taⁿ goá ê tiōng-hu beh thiàⁿ goá.利亞懷孕生kiáⁿ， 就kā伊號名Liû-piān；因為講， 耶和華看見我ê苦情； taⁿ我ê丈夫beh疼我。

34. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 33 chat 第三十三節 I koh hoâi-īn siⁿ kiáⁿ; kóng, Iâ-hô-hoa thiaⁿ-kìⁿ goá bô tek-thióng, só͘-í koh hō͘ goá chit ê kiáⁿ; chiū kā i hō-miâ Se-biān.伊koh懷孕生kiáⁿ；講， 耶和華聽見我無得寵， 所以koh hō͘我chit-ê kiáⁿ； 就kā伊號名西門。

35. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 34 chat 第三十四節 Koh hoâi-īn siⁿ kiáⁿ, kóng, Goá kā tiōng-hu siⁿ saⁿ ê kiáⁿ, i beh kap goá kiat-liân; miâ kiò Lī-bī.Koh懷孕生kiáⁿ，講， 我kā丈夫生三個kiáⁿ， 伊beh kap我結聯；名叫利未。

36. “Chhòng-sè-kì”《創世記》Genesis Tē jī-cha̍p-káu chiuⁿ第二十九章 Tē 35 chat 第三十五節 Koh hoâi-īn siⁿ kiáⁿ; kóng, Chit-ē goá beh o-ló Iâ-hô-hoa; só͘-í kiò i ê miâ Iû-tāi; chiū thêng bô koh siⁿ.Koh懷孕生kiáⁿ；講， Chit下我beh o-ló耶和華； 所以叫伊ê名猶大； 就停無koh生。